De Plattsnakker

Moin, so wurr ik annerletzt begrött. Nix Besünners, aver in’n Krankenhuus? Dat beleevst nich jeden Dag. Nu aver de Reeg nah:Dat weer nich besünners slimm, blot een korte Ünnersöken. Twee Döög schall ik blieven. Seker nich schöön. Een lütt Grummeln in’n Magen höört bi’n Woort „Krankenhuus“ aver doch dorbi to. Aver mi hett dat liekers gefallen! – Schon an 1. Daag warr ik vun een jung Krankenswester mit’n fründlichen „Moin“ begrööt; un denn: „Nu man tau! Los geihts!“ – un dat all mit een fründliche Sülfstverstand op Plattdüütsch. Ik wurr total verwunnert. Heet et nich mennigmal, „Plattdüütsch“, vergitt dat. Dat ...

Moin leev Lüüd, dat is nu ja Sommertiet, un bannig veel Lüüd sünd nu al in’n Urlaub un nich in Hamborg. Doch mank een is hier-blieven, un dor heff ik wat funnen. Leest eenmal: Regional- un Minderheitensprak blifft – mitten in Elmshorn.© Hamburger Abendblatt 2026 – all Rechte vörbehollen. Elmshorn. Am 9. August höört de Pott-Carstens-Platz in Elmshorn wedder ganz de plattdüütsche Spraak. Helmut un Jan-Mirko Hamke organiseert dorto to’n achten Mal dat Festival op Platt, wat sik längst över Norddüütschland henweg en Naam maakt hett. De Intritt is free. De Idee is 2017 ut’n Wunsch rutkamen, Plattdüütsch genau dor ...

Moin leev Lüüd, Letzt hebb ik ji jo vun de "Schoolarbeiden" bi de Plattsnakker vertellt. - Wi wüllt nich bloots tohoop sitten un lütte Geschichten ut Böker lesen; nee, wi wüllt ok mit de Sprook leven un mitenanner snacken. Un dorüm mookt wi nu „Schoolarbeiden“. Fief tofällig funnen Wöör warrt an’n Avend vun uns Drepen opschreven. Ditmal : Muusköddel, Rumpott, Appelkorn, Fohrrad un Goorn. Jedeen hett een wunnerbore Geschicht doröver schreven. Dree dorvun find ji ok in dat nege Heff vun uns Börgervereen. Ji warrt ju wunnern, wat för ünnerscheedlich Vertellens dorbi rutkamen sünd. Un de nächst Huusopgaven hett dat ...

Moin leev Lüüd, Fix wat los — dat is dat Motto vun uns lütten Plattdüütsch Krink. Wi wüllt nich blots tohoop sitten un lütte Geschichten lesen; nee, wi wüllt ok mit de Sprook leven un richtig mit eenanner snacken. Un genau so weer dat bi’n Besöök op Uwes „Höhnerfarm“: De Höhner hebbt zwar keen Platt snackt, aver all de annern Lüüd hebbt fröhlich mitenanner un ünnerenanner Plattdüütsch snackt. Un wat dat dor all to sehn´n un hör´n gaav, dat findt ji bi dat Kapitel: „Ut uns Plattdüütschkrink“ Un dor gifft ok noch wat anners to vertellen: Nu gifft dat bi ...

Moin leev Lüüd, Plattdüütsch hett ja jümmers leevt – un dat hebbt wi ok dit Johr wedder sehn: mehr as 60 Veranstalten hett dat bi uns Hamborger Plattdüütsch Dag geven. Wi weern natürlich ok dorbi. Kiekt doch mal in de twee lütten Videos rin! Denn hebbt ik noch een intressant Bericht över de ne’e Rechtschrievpröven vun dat SASS-Internet-Wöörbook funnen. Leest dor geern mal rin. Ik sülvst bruuk disse Rechtschrievkontroll all lang in mien Schrievprogramm Libre Office – un dat löppt wunnerbor. Nu gifft dat de plattdüütsche Rechtschrievpröven ok för Microsoft-Word. Versöcht dat doch mal! Villicht kriegt ji dorbi ja ok ...

Moin leev Lüüd, dat is ja nu bald Oostern un dormit geiht dat ok mit dat Fröhjoor los. - Ik hebb ja nu een lütt Siedlungshuus, un dorto höört ok een lütt Goorden. Un in Frühjoor geiht man denn ok de „Buddeltied“ los. Un dor kannst wat beleven! Lest mal de lütt Geschicht vun mien Belefnissen bi´n Planten vun mien Bloomens in mien Vörgoorden. Un wenn ji ok wat to vertellen hebbt, schrievt dat op. Un dorop kannst di verlaten, uns "Schriefwarksteedt“ teuft op di. Op düssen Weg, denn ok Dank an all de Lüüd, de bether schon Vertellens un ...

Moin leev Lüüd, dat is nu all de 70. Utgaav vun unsen Rundbreef. Anfangen hett dat dortomal in de Corona-Tied. Wi kunnt uns nich mehr drepen, wullt uns aver ok nich ut de Ogen verleren. Dor harrn wi uns eenfach de Narichten mit unsen Rundbreef vertellt, un de een oder annere hett dorbi ok de Lust funnen, egen Vertellens optoschrieven. Intwüschen is ut unsen Rundbreef een stännig "Institutschoon" wurrn. Fast 100 Lüüd kriegt em per E-Mail toschickt. Un dat sünd ok jümmers mehr Berichte ut de plattdüütsche Welt, woröver dat wat to vertellen gifft. Dat is för mi en Teken, ...

Moin, leev Lüüd 2026 is nu ok al een Maand jung – un he hett noch so’n poor fiene Terminen för uns in’t Gepäck. An’n 22. März fiert de Eidelstedter Börgervereen sien 125-jährig Jubiläum. Un wi fiern mit! Wi höört jo to’n Börgervereen, un uns gifft dat ok al över 10 Johr. Anfungen hett dat 2012– un vun de Tied an draapt wi uns regelmatig jedeen tweten Middeweek in´n Maand. Dorbi hebbt wi bannig veel Spaaß, snackt tohoop Platt un hebbt sogor al wat Togang kregen. Wi sünd aver nich bloots ünner uns. Nee, nee – wi hoolt ok goot ...

Moin, leev Lüüd, hartlich willkamen to uns Rundbreef för Januor, de eerst in dat nege Johr 2026.Ik wünsch ji allens Gode un best Sundheit. Tohoop wüllt wi dorop höpen, dat dat een fien Johr warrt. Trotz dat groten Slamassels ut dat letzte Johr mit Kriegen, Katastrofen un anner Maleschen, laat wi uns de Höpen op een fröhlich, neegst Johr nich nehmen. Un dorför hebbt wi ok al een poor Beleefnisse för de kommende Tiet. To’n Bispill in April de Hamborger Plattdüütschdag, gemeensame Theaterbesöök un de al lang plant Besöök bi uns Uwe sien „Höhnerfarm“. Düsse un ok noch annere Terminen ...

...

. Moin leev Lüüd, In een vun uns lesten Rundbreven hett uns Plattsnacker Uwe al mol vertellt, wie he in Norwegen bi’t Inköpen mit Plattdüütsch de lüttjen Problemen löst hett – ganz plietsch: he hett Platt snackt! Nu gifft dat wat Interessant to mellen: Op de 77. Bevensen-Tagung hett se twee spannende Vördääg över plattdüütsche Spraakformen hört – un nu holt di fast: Dat snackt man nich bloot bi uns in’n Norden, nee, ok in Brasilien, Kanada, Mexiko un annerswo in Süüdamerika snackt man noch Platt! Dat hett mi bannig neugierig maakt: Wat för Lüüd snackt dor denn noch Platt, ...

Moin leev Lüüd, ik heff den Sprök „Platt is bunt“ ja al oft brukt. Un dat stimmt ok. Plattdüütsch leeft! Narichten op Platt in’t Radio, Hafenrundfahrt op Platt, Plattdüütsch in de Schoolen or ok plattdüütsche Musikwettbewerbe – Plattdüütsch leeft! Un darto heff ik in dissen Rundbrief den een or annern Infokram tosamendrogen. Ok, de Geschicht vun uns Spraak is bunt. Ik sülvs stöver geern in’t Antiquariat vun de Zentralbökeree. Kürzlich heff ik een Sammlen vun ole Textbläder plattdüütscher Couplets funnen – ok vun de Gebrüder Wolf, de Väder vun´n Tüdelbandleed, de „heemlich Hymn vun Hamborg“ – „An’t Eck steiht een ...

Moin leev Lüüd, Utgaav 64. Dat sünd nu all mehr as 5 Johr mit Vertellen, Snacks un Nieges ut de Platt­düütschfamilie.Boren wurr uns Rundbreef, as wi uns bi de Coronatied nich mehr trepen könen. Dat is nu all lang her, aver uns Rundbreef is nich doot bleven, he hett wussen! Middewiel hebben wi elkeen Maand över 70 „Abonnenten“, un ji künnt den Rundbreef op de Homepage vun uns Börgervereen lesen. Dor gifft dat denn ok Froogen vun Interessenten: Wat maakt ji dor denn egentlich? Snackt ji blot or leest Geschichten? Schrievt ji ok egen Vertellen? Makt ji ok mal en ...

Moin, leeve Lüüd, Nu is Ferientiet un de Lüüd maakt Urlaub. Un Urlaub is wichtig – dat weet jeedeen. Man Urlaub is nich blot för’t Erholen. Wenn du Lust hest, kannst du dor ok wat leren. Besünners, wenn du as Plattsnacker in de Ferien an de Küst vun de Noord- or Oostsee fohrst. Dor kannst du denn mit de Lüüd Platt snacken, un du warrst di wunnern, wo good dat geiht un as gau du ne’e Frünn finnst. Aver nich blot an de Küst warrt Platt snackt - ok in anner Delen vun’t Land. Un uns Navers, de Hollänner un ...

Moin leve Lüüd, wi weern wedder mal op´n Padd – Verbreekerjagd in´n Haven. Wat dat bedüüdt? Dorto leest eenmal uns „Eensatzprotokoll“ in düssen Rundbreef. Aver dat is noch nich all! - Kiekt ok mal in de Bericht ut uns Schrievwarksteed över de Eerdbeertied. Sülvst beleevt bi en Utfloog an de Oostsee. Aver man nich bloot dat. Dor gifft dat noch mehr to vertellen. So hett uns Krink mennigmal Besöök. Lüüd, de ok geern Platt snackt un dat mal utproberen wullt. De een oder annere is glieks dorbi blieven un nu ok all lang Tiet Liddmaat bi uns. Wi, dat sünd ...