dat is nu ja Sommertiet, un bannig veel Lüüd sünd nu al in’n Urlaub un nich in Hamborg. Doch mank een is hier-blieven, un dor heff ik wat funnen. Leest eenmal:
Elmshorn. Am 9. August höört de Pott-Carstens-Platz in Elmshorn wedder ganz de plattdüütsche Spraak. Helmut un Jan-Mirko Hamke organiseert dorto to’n achten Mal dat Festival op Platt, wat sik längst över Norddüütschland henweg en Naam maakt hett. De Intritt is free.
De Idee is 2017 ut’n Wunsch rutkamen, Plattdüütsch genau dor to beleven, wo noorddüütsche Atmosphäär to Huus is. De besünnere Oort för de Veranstalten övertüügt ok den NDR, so dat dat Festival as Medienpartner mitmaakt. Vör’t vergangen Johr kummt ok de Förderkreis MS „Klostersande“ mit sien Vörsittenden Kathrin Mohr to’n Kreis vun de Mitveranstalters.
Foto Förderkreis
De Verbinnen twischen de Familie Hamke un de historische MS „Klostersande“ geiht man noch wieder torüch. Al 2014 weer Helmut Hamke as Organisator un Musiker in’n Frachtruum vun’t Museumsschipp optreden. „Dat passt as een Deckel up’n Pott“, seggt Hamke över de Tosamenarbeit.
Start is för den Festivaldag al Klock 10 mit’n plattdüütschen Open-Air-Gottesdeenst, den Pastor Christofer Klaas höllt. Na de Vörbereedungen un Soundchecks is Klock 14 de Inlaat, musikalisch begleit vun Geiger Kristofer Vio ut Garding. Sien Repertoire reicht vun Klassik över Swing bit to Musical- un Popmelodien. Mehr anzeigen
Offiziell fangt dat Programm op de Bühn Klock 15 na de Begröten vun Moderator Gerrit Hoss an. Den Optritt övernimmt de Elmshorner Musiker Joki Theege, de mit norddüütsche Ledern un persönliche Geschichten optritt.
Denn sünd Sandra Keck un Stefan Hiller (15.25 Uhr) an de Reeg. De Sprekerin, Sängerin un Regisseurin, bekannt ut’n Hamburger Ohnsorg-Theater, verbindt tosamen mit ehr Begleider an dat Klaveer humorvulle Geschichten un Musik.
Mit Henning Kothe folgt Klock 16 een veelsiedig Entertainer ut Hamborg. De Kabarettist, Opernsänger, Komponist un Lungenfacharzt verbindt Musik un Ünnerhollen jüst so kloor as sien verscheden Beropen.
Een vun de bekanntst Naams op’t Festival is Hans-Timm „Timsen“ Hinrichsen. De Santiano-Musicus präsenteert sien Solo-Programm op Platt ahn Band (16.40 Uhr). Plattdüütsch is för em „de Spraak, in de ik leven, denken, drömen un reken“, beschrifft he sien Moderspraak. Ok op sien aktuelle Soloalbum „Vun hier“ speelt se een zentrale Rull.
Dat musikaalsche Enn maakt Moderator Gerrit Hoss vun 17.20 Uhr an ok sülven, tosamen mit sien Band. De Hamborger Musiker, Moderator un Sänger vun de Grupp Godewind sett sik al siet Johren för dat Bewohren vun de plattdüütsche Spraak in. Dat dat Festival ok dit Johr wedder ahn Intritt vör sik gahn kann, dorför bedank sik de Veranstalters bi de vele Sponsers.
Een besünneren Akzent sett ok de Schirmherrschop vun den Elmshorner Ehrenbörger Prof. Dr. Klaus Pannen, den Helmut un Jan-Mirko Hamke symboolsch een Schirm mit dat Festival-Logo övergeven hebbt.
Mit Musik, Kabarett, Gottesdeenst un veel norddüütschem Sprachgefühl will dat Festival wedder wiesen, dat Plattdüütsch keen nostalgisch Randthema is, man en egenständige Regional- un Minderheitensprak blifft – mitten in Elmshorn.
Weer dat nich en´n Idee för een lütten Utfloog na Elmshorn? Dat is doch een dulles Programm. Villicht dreept wi uns dor. Ik fohr jedenfalls hen.
In een vun de letzt Rundbreven heff ik över uns Wöörspeel mit de fief Begrepen: Goorn, Müüsködel, Rumpott, Appelkorn un Fohrrad vertellt. Jederen ut uns Kring schull ´ne lütte Geschicht schrieven un bi uns Drepen vörlesen. Dorvun sünd hier nu düsse dree Geschichten. Veel Vergnögen!
Gerda ehr Rumputt vun Uwe Nissen
Gerda will vunt jahrs mol wedder een Rumputt maaken. So
fohrt se mit ehr Fohrrad nah den Supermarkt hin un köfft sick
dor eerst mol een groote Buddel Rum.De kummt denn foorts
in dat oole Steenfatt, wat se noch vun ehr Oma in de Keller
keen Problem, denn Gerda hett en Schrebergoorn un so
fohrt se glieks annerndags mit ehr Rad nah ehrn Goorn hen.
Man wat is dat? Dor is nix an Aaft in to finnen. All de Büsche
und Bööm sünd heel leddig. De Vaagels hebbt ehr all de feine
Erdbeern, de Johannisbeern, de Kassbeern un ook de Riepeln
klaut. Dor is bloots noch Kreienschiet – un Muusködeln finnt
se dor ook noch. Aawer de kann se je nu würklich nich in ehr
Rumputt rindoon. Denn all ehr de oole drööge Rosinen, de se
noch liggen hett, de seht meist jüst so ut as de Muusködeln.
Un wat nu? Dor kümmt se op een ldee; Se fohrt wedder nah
den Supermarkt hen un köfft sick to de Rum mit de Rosinen in
een Buddel Appelkorn. So hett se denn doch noch wat Aaft
funnen, dat se in ehrn Rum rindon kann. Denn ward he fein
mit Zucker afsmeckt un dornah bruukt de Rumputt noch sien
Tied, dormit he sien Aroma kriggt un denn heet dat bi Gerda:
Na denn man prost!
Mine Geschichte,
Margrit Wichmann,
mit de Begriffe:Appelkorn, Muusködel, Gorden, Fohrrad, Rumpott
Düt Johr mokt wi een Gordenparty, mit Musik, lecker Soken von Grill un klor, ok wat Hochperzentiges!
W hebt uns dacht, dat de Gäst, so bi 15 Lüüd, mit Fohrrad kamen schult. So dod se watt för sick un se behölt den Föhrerschien.
To Begreuten geev dat een zünftigen koolten Appelkorn, dat is good för de Stirnmung!
W hebt noch de letzten Muusködel ut den Carport fegt, nu war de Grill störmt.
De Nachtisch steiht ok al parat, fein Vanilleis mit Rumpot, mmmhhh lecker!
Wi haarn gode Stimmung, alle sind fröhlich!!!!! un so bi Klock 12 gat or radelt se na Huus.
Dat weer scheun, dat mokt wi wedder!
Gemeenschapsarbeit
Uwe Stegelmann
Vör bummelig veer Weeken weer in´n Aushangkasten Gemeenschaapsarbeit in ´n min Gornvereen Veermoor ansett.
Datt Wedder wär grood. lk schnapp rni min Fohrrad – un aff. Klock tein wär ansett. Jedeen har Schüffel, Spaten, Fork un wat sünst noch so nötig weer rnitbröcht un denn güng.dat los. Strüker schnieen, Gras afharken, Kanten rein moken un wat sünst noch so anleeg. Dorbi wuschen gau een poor Müüs af, de sik mang dat Unkruut versteken harn, aver Muusköddels hebbt wi nich fun’n.
Punkt twölf weer denn Paus anseggt – Wärktüuch wegleggen. Wenn du glöwst, dat geev denn wat ut’n Rumpott oder ’n Appelkorn ut de Buddel,
Nee!!
Kold Beer ut de Buddel kuns kreegen un’n Bockwuss darto.
Halwig twee weer Schluss.
Bit nechstmol – in Harvst geiht dat wedder los.
Ut de plattdüütsch „Welt“:
„Vertell doch mal“:
Dat weer dat Motto vun de Plattdüütsche Schrievwettbewerb. Un et hätt ok dit Johr wedder veel Schreverslüüd geven. De Priesverleihung weer op den 16. Juni. Aver welch Text hebbt nu wunnen bi Kuddelmuddel? Dat weer nämlich dat Motto vun den Erzählwettbewerb.
Kiek mol boben up dat Video un ok op de Websiet. Dat is all bannig kommodig un lustig. Veel Vergnögen.
Foto Förderkreis
