Moin, leev Lüüd,
dat is nu gor nich mehr to översehn: Dat warrt Harvst. Un in’n Kalenner steiht dat ok – de Sommer is vörbi, nu hebbt wi Harvst. Kannst nix an maken, aver ik heff verleden Week noch de letzten Sünnstrahlen an de Küst in’n Sand geneten. Dat weer wunnerbor, blots een Ding is mi opfullen: de Möven! Sünst sünd se jümmers an’n Strand rümflogen, ditmal stunnen se all in een Reeg an de Waterkant un keek, wat dor woll Fisch för ehr Snavels to halen weer. Kloor, se harrn Smacht – un de Touristen mit de leckeren Fischbrötchen un Pommes-Tüten weern nich mehr dor. Also müss’n se sik ehr Middageten sülven söken.
Bild selbst
De Touristen sünd nu all in ehr warme Hotelzimmer or wedder na Huus fohrt. Ik ok. Un ik segg di: Dor is dat ok bannig kommodig, un langwielig warrt dat ok nich. Denn nu is de Tied dor: Dor kannst di fast jedeen Avend, wenn du wullst, in een plattdüütschen Speeldeel een Theaterstück ankieken. Dat glöövt ji nich? Ik hebb dat ok nich wusst. Aver denn kiekt mal in’t Internet un klickt op düsse Link: Hier geihts to de Theaters . Du deist di wunnern, wo veel plattdüütsche Speeldeel dat in un üm Hamboorg gifft.
Villicht dröppt wi uns ja. Op jeden Fall köönt wi uns bi de Plattdüütsche Bökermess sehn. Den Termin finnt ji in’n Kalenner vun düssen Rundbreef.
W i seht uns!
Hier gifft dat wat to les´n un op de Ohr´n
Könnt ji jo noch besinnen? Bi unsen letzten Drepen harrn wi de Text vun dat Leed vun Hein Köllisch „In de Brommelbeeren“ leest. De Melodie is vun dat Kinnerleed „Es wollt ein Mädchen früh aufstehen“ . Orginal ole Schallplattenopnahmen vun Hein Köllisch hebb ik nich funnen, blot de vun em sungen Text. De Textbläder un en Barg annere Erinnerungen över dat Leven vun Hein Köllisch, dat künnt wi gemeensam in dat Hein Köllisch Zimmer bi de Niederdüütsche Bökerie ankieken: Un da wullt wi denn ok an Enn vun de November or Anfang Dezember gemeensam hingahn. De Termin warrt ik ji in de neegst Rundbreef schrieven.
Dat weer nu Hein Köllisch un hier nu een ganz annere Episood vun Matthias Stührwoldt. Ik kann dat na föhlen wat he dor vertellt. Ok in mien Goorn wussen de Brommelbeer´n as dull.
Matthias Stührwoldt und de Brommelbeer´n NDR 90,3
Dat weers vun de Brommelbeer´n un dat Lieden vun de Goornbesitters.
Wisst ji eigenlijk, dat uns Rundbreef nu schon siet 7 Johr jedeen Maand op de Siet vun’t Eidelsteter Bürgerverein in’t Internet rutkoomt, intwüschen fast 100 E-Mail-Abonnenten hett un ok in Stadtdeel op den Uthangkasten vun’t Stadtteilbeirat un op den Uthang vun de Lohkampsiedlung apentlich hangt? Un he warrt leest. Dat mark wi an de Reakschonen un ok an manch neegen Besöker bi unsen Drepen. Jedeen is hartlich willkomen.
De Plattsnacker dreept sik wedder an’n 14. Oktober, Klock söss, in dat Huus vun de Elisabeth Kark, Eidelstedter Dorfstraße.
27. Plattdeutsche Buchmesse 07.+08. Nov. 2026 Lichtwarksaal 22, Neanderstraße 22, Hamburg Neustadt
Hier geiht dat to dat Programm
To´n Enn noch´n lütten Spooß:
Stock
Mien Fru hett jümmers recht vertellt Hannes an’n Stammdisch. Ik heff ehr seggt, dat ik ehr to Wiehnachten een Brilliantring schenken wull. Se hett seggt: “Dat deist du jo doch nich!”
“Un wat schall ik jem seggen? Se hett recht beholen!”