Moin leev Lüüd,
dat is ja nu bald Oostern un dormit geiht dat ok mit dat Fröhjoor los. – Ik hebb ja nu een lütt Siedlungshuus, un dorto höört ok een lütt Goorden. Un in Frühjoor geiht man denn ok de „Buddeltied“ los. Un dor kannst wat beleven! Lest mal de lütt Geschicht vun mien Belefnissen bi´n Planten vun mien Bloomens in mien Vörgoorden. Un wenn ji ok wat to vertellen hebbt, schrievt dat op. Un dorop kannst di verlaten, uns „Schriefwarksteedt“ teuft op di. Op düssen Weg, denn ok Dank an all de Lüüd, de bether schon Vertellens un Narichten för uns Blatt schickt hebbt. Ik kann se all bruken. Dank ok.
Aver wi hebbt ja nich blot eegen Vertellens. Kiekt mal in de Reeg för de Terminen. Dor gifft dat de nächst Tieden för uns Krink: An 18. April is de tweete Hamburger Plattdüütsch Dag un ok wi sünd wedder dorbi. Un denn gifft dat noch de Termin op „Uwe sien Höhnerfarm“. Ich glööv, dat ward bannig intressant un liekers ok lustig. Un de Termin för uns nächst Drepen deit ok nich fehlen. Wi drept un wiederhen jeedeen tweten Middeweek in Maand, Klock söchst. Denn snacken mokt Freid, is kommodig un öövt.
Ut de plattdüütsch „Welt“:
Dat gifft een Snack, Dootseggt leeft länger. Un dat stimmt. Kiekt mal in dat Internet. Dor kannst een ganze Tied över stövern, plattdüütsche Leeders finnen un ok Films ankieken. Plattdüütsch is mehr lebennig as tovör. Aver Plattdüütsch warrt nich bloots in de VHS lehrt, sünnern ok in de Musik höörst du hüüt plattdüütsche Leder mit aktuelle Texten un Poetry-Slam-Wettbewerben.
Jo, Plattdüütsch is bannig an wussen un warrt vun de Lüüd wedder mehr un mehr bruukt . Veel Lüüd hebbt seggt, Plattdüütsch is doot. Dat hett jümmer Lüüd geven, de hebbt meent, Platt, is de Spraak vun de lütten Lüüd. Un dat weer si würklich veel hunnert Johr lang. Dorto vertellt Reimer Bull in sien Book Insichten un Utsichten:
„De Tiet, as de Hanse regeer, do stunn dat Nedderdüütsche bavenan; man as de Hanse togrunn gung, do gung dat ok mit dat Plattdüütsche den Barg daal. Nu snacken de, de sik wat Beteres düchen, Hooch. Do worr Hooch dat Etikett för de feinen Lüüd un Platt dat Etikett för de ringen Lüüd.
Mag ween, de en oder anner denkt hüüt noch so, man denn liggt he verkehrt. De Tieden hebbt sik ännert.
De Plattdüütschen hebbt dat aver ok noch mit anner Etiketten to doon. De Spraak sülm hett en Etikett opbacktI kregen, op dat steiht: Op Platt kann een seggen wat he wüll, dat klingt jümmer sinnig un kommodig. Een kann groff warrn, liekers hört sik datt nich groff an.
…..Un denn meent veel Lüüd, nich blots dat Platt hett sien egen Oort, de Plattdüütschen sülms hett ehr ok. Denn snackt se vun dat,nedderdüütsche Wesen. Mit so’n Snack mutt´n vörsichtig ween,…Wi, de Plattdüütschen, wi snackt nich veel, sünd mennigmal wat groff, aver in und Hart, dor sitt de Warms binn.“
Un ok de KI snackt Platt. Dat is woll noch nich ganz perfekt, aver dat ward noch wat. Hett doch sogor uns plattdüütsche Assistent LünKi sien egen Webblog Lünki Dor lehrt he nu jüst in’n Momang dat Futur un den Konjunktiv.
Dat is fast ene Renaissance. Plattdüütsch warrt nich bloots in de VHS lehrt, sünnern ok in de Musik höörst du hüüt plattdüütsche Leder mit aktuelle Texten un Poetry-Slam-Wettbewerben.Plattdüütsch warrt jümmers aktueller, ok bi de jungen Lüüd. Kiekt mal dat lütte Video, dat ik mitschickt heff.
De Buddeltiet beginnt
Mien Fro un ik, wi wahnt jo middenmang in de Grootstadt – in Hamborg. Un wenn du dor dat Woort „buddeln“ höörst, denn denkt jedeen glieks an Baggers, Boarbeiders in gele Westen, Utwiekstrecken för de Autos un nervöse Footgängers, de nich weet, wo se över de Straat schalln.
Aver bi uns, dor geiht dat wat anners to. Wi wahnt buten in’t Grööne, in uns lütte Siedlung. Dor sünd so üm un bi 260 staatsche Hüüs, all mit püükfeine, propper Vörgoorns. Dat is jo dat Uthängschild vun jeden Huusbesitter – un glieks ok dat gröttste Vörwiesstück för de scharpen Ogen vun de Navers.
In’n Winter? Ach, dor kannst di ruhig verkrupen un Tee drinken. Aver kuum is de März dor, warrt all nervös. As weer dat so’n unschreven Gesett. Heet jo ok al in’t ole Kinnerleed: „Im Märzen der Bauer…“ – na, du weetst Bescheed. 
Rösslein gifft dat nu nich mehr, aver den Bumarkt üm de Eck – den gifft dat noch. Un „anspannen“ deist hüüt dat Auto, fohrst los un hollst di Blomen, Dünger un – wenn dat hart op hart kümmt – noch en lütten Dwarg för dat Beet. Gifft allens dor. Bruukst dat blots noch inplanten un den Wichtel schick dor mang stellen. Man will sik jo nich lumpen laten, nich wohr?
Un denn – jo, denn geiht se los: de Buddeltiet!Mehr anzeigen
Hier gifft dat wat op de Ohren:
In uns Geschicht to´n Fröhjoor dreiht sik dat üm’t Reinemaken. Dorbi vertellt Hermann Bärthel siene Beleefnisse bi dat Opwaken an fröhen Morgen.
NDR Podcast
Un wenn ji noch mehr Lust op „Fröhjohrsgeföhle“ hebbbt. Hier sünd enige Geschichten to´n Fröhjoohr. Klickt eenfach düssen Link an:
- De Plattsnacker dreept sik wedder an’n 08. April, Klock söss, in de Elisabeth Kark, Eidelstedter Dorfstraße.
- Sünnavend, April 18, 2026, Klock dree bit fife, Eidelstedt, wat büst du wussen! De Geschicht vun uns lütt komodig Dörp to´n Stadtdeel vun de Grootstadt. – Bücherhalle Eidelstedt, Hamburg
- Middeweek, 29. April, Klock ölven töövt uns Plattsnacker Uwe mit sien Höhner up siene „Höhnerfarm“ bi de Elbgaustraat op uns. Wi dreept uns vör de Kark an de Fangdieckstraat 164 /Eck Elbgaustraat. Achteran köönt wi denn noch gemeensam een Tass Kaffe in’n Café in de Elbgaupassage drinken.
To´n Enn noch´n lütten Snack
