Moin leev Lüüd,
Plattdüütsch hett ja jümmers leevt – un dat hebbt wi ok dit Johr wedder sehn: mehr as 60 Veranstalten hett dat bi uns Hamborger Plattdüütsch Dag geven. Wi weern natürlich ok dorbi. Kiekt doch mal in de twee lütten Videos rin!
Denn hebbt ik noch een intressant Bericht över de ne’e Rechtschrievpröven vun dat SASS-Internet-Wöörbook funnen. Leest dor geern mal rin. Ik sülvst bruuk disse Rechtschrievkontroll all lang in mien Schrievprogramm Libre Office – un dat löppt wunnerbor. Nu gifft dat de plattdüütsche Rechtschrievpröven ok för Microsoft-Word. Versöcht dat doch mal! Villicht kriegt ji dorbi ja ok Lust op een neeje Geschicht för uns Schrievwarksteed. Över neege Geschichten un Vertellens frei ik mi jümmers. Schickt se eenfach per E-Mail – wi all warrt uns freuen.
Un nu veel Spaaß bi’t Lesen!
Ut de Plattdüütsch-Welt
Noordnedderdüütsch kannst nu ganz eenfach na de SASS-Regeln automaatsch överpröven.
Is pröven richtig oder doch pröven? Schall ik maaken schrieven oder lever maken? So’n Fragen bi’t Schrieven vun Platt sünd nu nich mehr so’n Ding – dat geiht nu veel eenfacher.
An’n 15. April 2026 hett de SASS-Redaktschon en Rechtschrieven-Prööv för Platt online stellt. Dat is en Toföög för dat kostenlose Textprogramm LibreOffice. Kannst di eenfach op de Siet vun dat SASS-Netzwöörbook daalladen (https://netz.sass-platt.de/) un ok in Programmen as Microsoft Word mitbruken.
Dor sünd üm de 400.000 Woortformen in, also praktisch dat ganze Netzwöörbook. So kannst de SASS-Regeln direkt bi’t Schrieven anwennen.
Endlich gifft dat nu disse lang verwacht Rechtschrieven-Prööv för Platt. De helpt di, dat du richtig schrieven kannst, un maakt dat för all, de Platt snackt oder schrievt, düütlich lichter. „De lange Vörarbeidten hett sik echt lohnt“, seggt Robert Langhanke vun de SASS-Redaktschon. „Wi hebbt dat över lange Tiet test un dorop acht, dat dat ok würklich in’n Alldag passt.“
Kevin Behrens seggt: „Grammatik pröövt dat Programm nich, aver Rechtschrieffehler in’t Platt na SASS mutt dat in Tokunft nich mehr geven.“
De nee Prööv geiht op Heinrich Thies (1938–2023) torüch. He hett dat Ganze inhaltlich opstellt un veel Vörarbeid maakt. De Technik hett Daniel Jettka maakt. Un de SASS-Redaktschon hett dat denn to Enn bringt – nu kann dat jeedeen bruken. Ik hebb ja all seggt, dat ik sülvst düsse Rechtschrievenkontroll all lang in mien Schrievprogramm LibreOffice bruuk – un dat löppt wunnerbor.
Na Pingsten is’t ja nu nich mehr al lang hen. Dorto hebb ik ditmaal nu een Vertellen vun uns dormoligen Eidelstedter Plattsnacker Will Schüssel rutsöcht. He hett lange Tied ünner de Pseudonym Thies Meester in’t Wochenblatt „Eidelstedter Anzeiger“ schreven. Hier is nu sien Geschicht.
Pingstkarr
To Pingsten ach wi scheun, wenn de Natur so greun. Wokeen kennt dat nich, Hein Köllisch sien Leed vun de Pingsttourin ‘t Alsterdal. Annerletzt keem mien Fründ Uwe an un wull weten, wat „Pingstkarr“ heten deit. Un so kemen wi in ‘t Snacken över Wöör un Seggwiesen to Pingsten. Mehr anzeigen
An’n 18. April 2026 weer dat den fiefden Plattdüütschen Dag in Hamborg – ditmal ünner dat Motto „Platt för de Stadt“. Organiseert wurr dat vun den Plattdüütschen Raat Hamborg, mit Hölp vun NDR 90,3 un dat Hamborg Journal. Los geiht dat al’n Avend vörher mit’n Gala in’t JazzHall Hamborg. Dor wurr ok to’n eersten Mal de Hartmut-Cyriacks-Pries verlehnt. Wökeen weer Hartmut Cyriacks? Hartmut Cyriacks (1949–2017) weer Journalist, Schriever un’n grooten Fördderer vun’t Plattdüütsche. De Pries, de sien Naam driggt, schall an sien Engagement denken laten un sien Idee wieder dragen: Plattdüütsch schall nich bloots bewohrt warrn, man ok lebennig bruukt warrn. Gegenöver de Johr vörher geev dat düütlich mehr Veranstaltens. Mehr as 60 Terminen över dat hele Stadtgebeet verdeelt hebbt’n bunt Programm anbeden – mit Föhrungen, Lesungen, plattdüütsche Leeder, Snupperkursen un Barkassenfohrten op de Alster. Wi sülvst weern ok dorbi mit uns lütte plattdüütsche Chronik över dat Wussen vun Eidelstedt – vun’t Dörp to’n Stadtdeel vun’n grooten Stadt – in’t Bücherhall an de Elbgaustraat. Den Afsluut hett ok dit Johr wedder’n plattdüütschen Gottsdeenst maakt – ditmal op de Flussschipperkark. Hier nu noch twee lütte Videos. Veel Vergnögen: 5. Hamborger Plattdüütschdag: Eidelsteedt, wat büst du wussen! Per Anhalter Vadder fohrt mit sien groote Familie in´t Auto spazeern. He hett acht Lüüd in de Waag. Dat süht een Polizist un winkt dat Auto an de Stratenrand.Vadder will aver nich anholn un fohrt wieder. „Worüm höllst du denn nich an?“ fraagt Mudder. „Um Gotteswillen, hest du denn keen Oogen in´n Kopp? Sühst du denn nich, dat hier keen Minsch mehr rinpaßt!“
Dat weer de Hamborger Plattdüütschdag
De Plattsnacker dreept sik wedder an’n 13. Mai, Klock söss, in de Elisabeth Kark, Eidelstedter DorfstraßeTo´n Enn noch´n lütten Spooß: