Newsletter Utgaav 26

Moin leeve Lüüd,

lang möt wi still hollen. Corona harr uns Fesseln anleggt. Aver nu lücht de Sünn un mookt Freid up neege Akschonen. As eerst föhrt wi anner Week an de Elv, Scheep bekieken. – Aver in de Schapp för niege Infalls liggt noch en grote Meng anner Plans:

Doontomal hebbt wi vörhatt, en Radhuusföhren op Plattdüütsch to beseuken. Dat weer denn wegen Corona streken worrn. Is aver nich vergeten un steiht noch op uns List.

Aver dat gifft noch mehr Plaans: t.B. Na ’n Sommer de Besöök vun de Plattdüütsche Bibliothek in de Niestadt. Dor wunnert een sik, wat dat för een Barg vun plattdüütsche Böker gifft. Dor is veel to finnen, wat een noch nich kennt un de Harvst is en passen Jahrstied, sik Böker utlehnen un tohuus in ’e warm Stuuv in de Böker to smökern.

In de Niestadt gifft dat aver nich nur de Bökeree, sünnern ok de Hummelbrunn, de Geschicht vun de Jung mit den Tüddelband, plattdüütsche Föhren in Michel – Kark un annere intressante Saken rundüm den Großneumarkt. All dat is en Utflucht weert. De List kann noch veel länger warrn – Theaterbesöök, plattdüütsche Stadtführungen usw. Veels gifft dat noch in de Plattdüütsch Szeen to finnen, wat ans noch nüms kennt.

Wer een Ideen or Tipp hett, segg dat. Wi mookt uns denn op´n Patt.

Ik frei mi

Ut de Plattdüütschfamilje:

Vertell-Gewinner sünd mit en Pries uttekent worrn

Veel Schrievers un Gäst vun de Noorddüütschen Plattdüütsch-Szene harr sik mehr as twee Jahr nich sehn un dat geev veel to besnacken. Nu sünd sik Schauspelers, Muskanten, Autoren un Tokiekers wedder direkt in Ohnsorg-Theater begegnet – to´n 34. plattdeutschen Schrievwettbewerb “Vertell doch mal“.

Modereert wöör de Gala vun NDR Plattdüütsch Redakteurin Ilka Brüggemann. De op best Vertellstückens vun 2022 kummt ok wedder as Book “Vertell doch mal!” rut. De Priesverleihung köönt ji ünnen op de Link ankieken. Veel Spooß bi de Geschichten un dat dorto hörende Programm mit de Band Santiago un den Plappermuul Momsen.

Vertell-Gewinner: Jury zeichnet beste plattdeutsche Geschichten aus | NDR.de – NDR 1 Welle Nord – Sendungen – Niederdeutsch

Henwiesen un Winks

Wo heet Zoo up Plattdüütsch?

De Antwort up de Fraag finds du u.a. in dat plattdeutsche Online-Wöörbook Platt för Plietsche vun Heinrich Evers. Dat is is een Plattdüütsch Wöörbook speziell för Schleswig-Holstein un Hamburg,

Vun Heinrich Evers gifft dat aver ok noch een besüüners Wöörbook för de plattdüütschen Naams vun Blomen, Bööm un all de anneren Planten, dat nöömt sik  Blomen-, Bööm- un Plantennaams

Un bi de Bilderwörterbuch BABADADA künnt de Lütten de plattdüütsche Sprook öven.

Tieden:

  • De Plattsnacker dreept sik wedder an’n 13. Juli, Klock söven, in dat Gemeendehuus vun de Elisabeth Kark.
  • 07.Juli uns Utflog to´n Willkommhöft in Schulau
    • Dat gifft noch en poor Plätz. Wi drept uns veddel vör twölf an´n S-Bahn Elbgaustraße ünnen bi de Kiosk max. 15 Lüüd

To´n Enn noch´n lütten Snack:

Kommentare sind geschlossen.