![](https://eidelstedter-buergerverein.de/wp-content/uploads/2023/07/Rundbrief-Logo-1024x376.png)
![](https://eidelstedter-buergerverein.de/wp-content/uploads/2023/09/datum-1024x108.png)
Moin leeve Lüüd,
„Dat wer en vergnöögten Abend güstern“
So weer de Överschrift vun en Mail, de in ’n Postfack vun mien Computer leeg. Wat weer los? En besünnere Avend, en Fier or en Party? – Nee! – De Plattsnakker harrn bloot wedder tosommen seten un gemeensam snackt, sungen, sülvst belevt Geschichten or Dööntjes vertellt un ut mitbrocht Böker vörlesen. Un dorbi wurr mannigmal ok „Dummtüüg“ snackt. Aver dat hett allen bannig veel Spooß maakt. Jüst en vergnöögter Avend, as so as de meist anner Avends ok, wenn sik de Plattsnakker drept.
Wi draapt uns aver nich bloot üm to snacken, sünnern maakt ok gemeensam lütte Utflücht, besöökt Speeldeels or kiekt uns tohoop besünnere Utstellen an. Aktuell plaant is in’ November de gemeensam Besöök vun de plattdüütsch Bökerutstellen mit dat Lesen vun de Schrieverslüüd un en lütten Stadtrundgang. Details dorto finnt ji in düsse Rundbreef bi de Afschitt Tieden un in´t Internet ünner
https://www.carltoepferstiftung.de/event/plattdeutsche-buchmesse-3/.
Denkwies bi all düsse Warken is aver nich alleen de Spooß un Freid, sünnern ok de Afsicht, de plattdüütsche Spraak mit an´t Leven to behollen un ok in een grote Stadt as Hamborg sichtbor un höörbor as Deel vun uns norddütsche Kultur to behollen. Un dat nich nu bi de ölleren Lüüd. Nee, wi wüllt de Spraak ok an de Lütten ranbringen. Dorto weern wi denn nu ok all een poormal bi de Schölers in de School Dörpsweg. Un dat geiht wieder!
All de Lust un Freid hett un bi uns mitmaken wüllen, sünd hartlich willkamen. Wi freit uns op jeden. Ganz un gor egol, of he plattdüütsch snackt, de Spraak lehrt or bloot tohören will. De wichtigst Saak is, dat dat Spooß mokt un Freid bringt.
Wi freit uns
![](https://eidelstedter-buergerverein.de/wp-content/uploads/2023/04/Klaus-Peter.jpg)
plattdüütsche Stratennaams
Ji erinnert jüm! Bi´n Besöök vun uns Börgermeester bi uns Eidelstedter Börgervereen heff ik em de Idee, bi plattdüütsche Stratenschiller lütte “Erklärschiller”, op Hoochdüütsch bi plattdüütsche Stratenschiller antobringen, vörslagt. Dorbi kunn to’n Bispeel Eidelstedt as Pilotprojekt deenen. Nu gifft dat en Antwoort.
Dat Börgermeesterbüro hett dat Bezirksamt vun uns Idee Bescheed geven. Nu mööt wi gemeensam doröver snacken. Un dat gifft en hele Reeg plattdüütsche Stratennaams bi uns in Eidelsteedt.
![](https://eidelstedter-buergerverein.de/wp-content/uploads/2023/09/pepper3.jpg)
He is lütt, witt un hett riesige Ogen: Pepper is en so nöömt humanoiden Roboter. He is dorop utbillt, de Emotionen vun sien minslich Gesprächspartner kennen to könen un dornah op to reageeren. De eersten plattdüütschen Sätz hett Pepper sogaar al lehrt: “Moin. Ik bin de Roboter Pepper. Een Bregenplietschmaschien.“
En Bregenplietmaschien is wörtlich översett en Maschien mit clever Gehirn – also künstliche Intelligenz. Genau dat is dat Arbeitsfeld vun Thomas Sievers. He is wetenschaplich Mitarbeiter an dat Institut för Informatschoonssysteme an de Lübecker Universität. Prof. Ralf Möller leit dat Institut. Över sien Fro, de in dat NDR-Funkhuus in Kiel arbeidt, keem he toletzt mit de Plattdüütschredaktion in Kuntakt – un stünn dar direkt op apen Ohren.
“Der NDR kann uns nun mit seinem sehr großen Archiv von plattdeutschen Dokumenten sehr gut weiterhelfen”, freut sück Prof. Ralf Möller. Also kann Pepper nu anfangen to lehren un wo de Roboter her kummt, dat hett Dokterand Thomas Sievers em al bibröch
“Buut worden bin ik bi SoftBanks Robotic in Japan. Denn hett Thomas Sievers mi bestellt un denn bin ik hier jichenswann mit’n Paketdienst utleefert wurrn. Inpackt in veel Styropor, dormit ik mi nich weh do. Nu bin ik hier.
Un Pepper will Platt lehrn! – So as dat Krömelmonster mit Keksen foodert warrt, foodert de NDR Pepper nu opstunns mit plattdüütsche-Texten. Bet Pepper ut de velen Wöör un Tekens mit Hölp vun de künstliche Intelligenz, sülvst sinnvolle Säätz tosamen buut, un denn villicht lütte un grote Minschen in Kinnergordens oder Olenhüüs ünnerholen deit, kann dat noch en paar Maanden duurn. Un so as düsse Roboter uns norddüütsche Kultur un uns Spraak studeert, studeeren wi Menschen den Roboter – un en Stück wiet ok uns eegen Tokunft. Un as dat nu mit Pepper wieder geiht, daröver bericht de NDR in einem Blog (STRG+Klick zum öffnen) bet to de Afslussprüfung in’ Sommer 2024. Dat warrt spannend un wi warrt uns dat ankieken. Un een Podcast gifft dat ok all. Kickt mal bi de -Hörböker-
Tieden:
- De Plattsnacker dreept sik wedder an’n 11. Oktober, Klock söven, in dat Huus vun de Elisabeth Kark, Eidelstedter Dorfstraße
- Bökerutstellen – Sünnavend, 11.November 12-17.00 Uhr im Lichtwarksaal:
- We drept uns Klock halvig een (12.30Uhr) S-Bahn Elbgaustraße,
- Anmellen ünner 040 57193466 (AB) or Mail: ebv-plattsnacker@t-online.de
Hörboock
Wi sünd de Roboter