Moin leve Frünn,
bi lütten geiht de Sommer to enn. Aver keen Bang, bi uns sett noch nich de „Winterstarre“ in. Wi hebbt noch veel vör. Dorto gifft dat in düssen Rundbreef een poor Daten för joon Terminkalenner un ook Terminen för al fast inplant Utflüüg. Snökert eenmal in de Rundbreef. Dor is foerwiss woll ook wat för jo dorbi. Ik deit mi freien.
Ut de Plattdüütschfamilje:
„Verkloorschiller“
15 Straaten mit plattdüütsch Naams, dat weer de Begünn för uns Akschoon „Verkloorschiller“. Un dat weer en bannig goden Start. Aver dat weer nich all´s. Dat schall man nu wiedergahn. Un wo?
Mit dat Bezirksamt hebbt wi afmaakt , dat wi en List mit plattdüütsch Straatennaams ut Eidelsteedt an dat Amt schickt, de denn nah un nah afarbeid ward. Villicht meld sik ook noch Plattsnackers ut de anneren Stadtdelen. Dat weer doch een fiene Saak.
Un ook Namakers hebbt sik all meldt. – De Lüüd in Fischbek hebbt bannig veel Intress an uns „Verkloorschiller“. Dat wullen se woll ook so maken. Un wi hebbt toseggt, so good as dat geiht, to Help to sien.
Sing mit
„De Pingsttour“, An´ne Eck steiht een Jung mit een Tüdelband“, „De Reis na Helgoland“ – Dat all weern blot een poor Leder, de wi jümmers wedder tohoop sungen hebbt. Un dat hett jümmers veel Spaaß maakt. Dorüm hebb ik mi dacht, in de tokamen Tiet bi uns Drepen af un an gemeensam en Leed to singen. Wat meent ji?
Henwiesen un Winks:
Padd op Platt
Wi kiekt uns Lübeck an
Bi uns letzt ‚Paddeltour harrn wi doröver snackt, en Utfloog to maken, op de wi gemeensam plattdüütsch snackt. Rutsuert is dorbi en Fohrt nah Lübeck, de Hööftstadt vun de Hanse, mit hör domals „Business English“, den Plattdüütsch.
Un wo geiht dat nu?
Tietpunkt un Drepen:
Middeweken 25. September, Klock 09.50 S-Bahnhof Elbgaustraße unten
Ankunftstiet Lübeck: Klock 11.25
Torüch – Ankunftstiet Hamboorg: Klock 17.19
Wat mookt wi?
To Foot mookt wi een Rundgang dör de Stadt. de alltohoop 2 bet 2 1/2 Stünnen duert. Aver Vörsicht: Lübeck is en oolt Stadt un de Straaten sünd faken nich sünnerlich kommodig (Kopfsteenplaaster).
Un wat kiekt wi uns an un mookt wi ook een Puus?
Wi gaht rund üm olle Stadtmitt. Un dat kieken wi uns vörher vun baven an, vun de Karktoorn St. Petri. (Fohrstöhl). Un denn geiht dat „rund“. Aver keen Bang. Wi maakt ok een lütt Puus. In de Marzipan-Spieker an‘ Haven töövt se al mit een Stück Toort un een Beker Koffie op uns.
Un wat köst dat nu un un woveel Lüüd köönt mitfohren?
Platz hebbt wi för max. 15 Lüüd un kosten deit dat:
25,-€ (all inklusive)
15,-€ (all inklusive) för de Lüüd mit de 49€ Ticket
Keeneen de nu Lust hett, dorbi to wesen, schall mi bet to ’n 15.September Bescheed seggen, -telefonisch ünner 040 57193466 -AB- or per Mail -Klaus.Pschulze@t-online.de-. De Tosaag is fast un bindend, wiel ik denn de Koorten kööp.
Veranstalten Harvst 2024
Filmabend: 23.10.,Klock söven, „Plattsnack“ Elisabeth Kark. Kost ook nix.
„Ostfriesisch für Anfänger“
Uwe Hinrichs ist ein vereinsamter Eigenbrötler, der konsequent Plattdeutsch spricht und sich als den letzten „echten Ostfriesen“ bezeichnet. Mit Globalisierung und der modernen Welt hat er nichts am Hut.
Als plötzlich in sein gepfändetes Haus eine Gruppe ausländischer Fachkräfte einquartiert wird, dreht er durch und baut im wahrsten Sinne des Wortes „Scheiße“. Wider willen muss er nun den Integrationstest für diese „Utländer“ übernehmen.
Kulturen, Konflikte und Erwartungen prallen aufeinander. Doch wo Reibung ist, entsteht auch Wärme. Und so überwindet Uwe sich und bringt, gut gemeint, den Fremden Plattdeutsch anstatt Hochdeutsch bei. Den Fehler bemerkt nur keiner. Als alles verloren scheint, wächst Uwe über sich hinaus, rettet die Zukunft der Ausländer und damit seine eigene.
Lichtwarksaal:
Dor gifft dat wedder een Barg vun interessant Utrichten. Details finnt ji ünner
https://www.carltoepferstiftung.de/veranstaltungen/
Wenn ji dorbi sien wüllt, köönt wi uns vörher afsnacken. Anmellen un dorhen fohren muss aver jedeen alleen.
Wi draapt uns denn vör den Lichtwarksaal.
Adventsfier:
11.12.,„Plattsnack“ Elisabeth Kark, Klock söven
Wi mookt dat so as jümmers. Op de Disch hebbt wi een poor Backels un Uwe bringt sien Rietfidel mit.
Leserbreev
Wenn ji wat to vertellen hebbt, schrievt mi.
Höörböker
Ilka Brüggemann Kindererziehung 2,30 Min.
Höört mal rin. Dat is teemlich lustig, aver seker kennt ji dat ook.
Tieden:
Plattsnack
De Plattsnacker dreept sik wedder an’n 11. September, Klock söven, in dat Gemeendehuus vun de Elisabeth Kark, Eidelstedter Dorfstraße
To´n Enn noch´n lütt Snack:
Worüm is dat een Unglück,
wenn uns de Haas över ´n Weg löppt?
(Wiel wi em nich braad op´n Disch hebbt.)