Rundbreef 62

Moin leve Lüüd,

wi weern wedder mal op´n Padd – Verbreekerjagd in´n Haven. Wat dat bedüüdt? Dorto leest eenmal uns „Eensatzprotokoll“ in düssen Rundbreef. Aver dat is noch nich all! –

Kiekt ok mal in de Bericht ut uns Schrievwarksteed över de Eerdbeertied. Sülvst beleevt bi en Utfloog an de Oostsee. Aver man nich bloot dat. Dor gifft dat noch mehr to vertellen. So hett uns Krink mennigmal Besöök. Lüüd, de ok geern Platt snackt un dat mal utproberen wullt. De een oder annere is glieks dorbi blieven un nu ok all lang Tiet Liddmaat bi uns. Wi, dat sünd 12 bitt 15 Lüüd, de eenmal in de Maand gemeensam Plattdüütsch snackt. Aver uns Krink kann ruhig noch wat grötter warrn! Jeedeen is hartlich willkamen. Ok wenn du lange Tiet keen Platt mehr snackt hest. Man keen Bang, wi sünd all nich perfekt. De Hauptsaak is, dat wi wat to lachen un gemeensam Spooß hebbt.

Un nu, veel Freid bi´t Lesen vun düssen Rundbreef. Un wenn ji Lust op een fröhlich Rund mit uns Plattsnakker hebbt, hartlich willkamen.

Wi deit uns freien.

Ut uns Plattdüütschfamilje:

De „Soko-Verbreekerjagd“

Dat weer so´ne Saak: All lang Tiet drievt sik een Bann vun Deven in de Lagers bi de Spiekerstadt in de Haven rüm. Un wiel dat in de Haven Platt snackt warrt, harr de Schandarms uns üm Hölp beten.

6 Lüüd weer uns „Söökgrupp“ stark. Un de hebbt sik nu op Sporensöök na de Verbreekers rund üm de Lagers in de Spiekerstadt mokt. Dat weer gor nich so eenfach – mennigmal sogor recht swoor. Aver dor weer ja uns goot Team

an´t Werk. Na 3 Stunnen un een lütt Kaffeepoos hebbt wi se denn to faten kregen. Nu sitt de Verbreekers all achter de Schottriegels. Dat weer een groten Erfolg för uns „Soko“ un hett all Detektivs bannig Spooß bröcht, ok wenn dat mennigmal en „harte Nutt“ weest is.

Eerdbeertiet

Jedeen weet, Eerdberen, de smeckt richtig lecker. Un nu is Eerdbeertiet. Överall kannst nu Eerdberen köpen. In de Geschäften, op´n Markt sogoor op de Straat bi düsse lütten Verkoopsboden, so as Eerdberen „verkleedet“. Aver dat is noch lang nich allens. Dat Beste, dat richtig Besünnere is, wenn du di de Eerdberen direkt op´n Feld afplückst. Frisch vun´n Buernhoff, richtig saftig un lecker. Dat is allerbest. Kannst mi glöven! –

Kriggst ’nen richtigen Janker! Warrst total jibbelig! Un so weer dat denn ok. Ik harr bannig Smacht op sülvst plückt Eerdberen. In´ Inseratendeel vun uns Blatt hebb ik denn ´ne grote Annonc lesen:

Dor wull ik hen. Also rin in´s Auto un denn man los!

Ünnerwegens överall Schiller: „Eerdberen sülvst plücken!“ „Eerdberen frisch vom Feld“ or „Eerdberen direkt vun´n Buern“ Un denn mien Schild: „„Eerdberenfamilien-Welt – Fest in´n Dörp.“ Glickst bün ik da, bi miene smackhaft sülvst plückt Eerdberen.

Un denn kummst du an – un wat sühst? Een Rummel, as op´n Dom! Blot hier gifft dat keen Geisterbahn, un ok keen Riesenrad – nee, hier gifft´s Rutschen för de Kinner op Strohsäck, Eerdberen as Autoskooters, Kinnerkorussells as lütte Eerdbeerköörv un noch veel anneren Tüdelkram. – Allens, wat du di vörstellen kannst un allens in „Eerdbeerlook“! De Kinner weern total ut de Tüüt un de Groten? De kunnen sück ehr Marmelaad sülvst koken, Eerdbeerwein drinken, blinken un snackende Eerdberen köpen! Un dat allens in Eerdbeerlook: de Verköpers, de Dekoratschoon, Eerdbeertort un sogoor Braadwurst mit Eerdbbersemp!! Blot kene Eerdberen to´n Plücken. De geev dat in de Familien-Welt nich. De giff dat blangenbi op de Feller.

Un dor sitt se nu, de Eerdbeerfans. Reeg üm Reeg op’n Boden. Sühst kuum noch de Planten, so veel Minschen kruupt dor mang de Eerdberen. Un wenn du nu denkst, de plückt all de Beren för de Köörv, denn hest di aver bannig sneden. Nee, da warrt futtert, as hett de Lüüd all de letzt 14 Daag nix to eten kregen. Un dat smeckt. Aver an neegsten Dag hebbt se all Buukkniepen. Un denn möögt se nich mal mehr Eerdbeertort mit Slakermaschü eten.

Man, dat is aver noch nich allens. De Profis, de bückt sik nich. Nee, de hebbt sik een Deck mitbröcht un weern in de Knee gahn. Aver egal, op du nu ´ne Deck or keen dorbi hest. Bi dat Plücken musst jümmers bannig oppassen, dat di nich een vun düsse Eerdberen op de Büx fallt. Kannst de Büx sünst glickst wegsmeten. De Placken kreegst nich wedder rut. Un denn hest nich blot ´ne schietige Büx, sünnern ok noch bannig Arger to Huus. Dat kannst mi glöven!

Aver nu kümmt dat Allerbest! Ganz achtern sietste, as bi de Sommerutverkoop en bannig lange Slang vun Minschen, de vör so´n lütt Hüüschen steiht – de Kass. Jedeen mit ’nem vullen lütt Korv in de Hand. Nu ward betahlt – un denn?

Denn ward wedder futtert! Man siet den Lüüd dat richtig an, dat se dat smeckt. Aver wat du nich sühst! De Krüüzweh, de se vom Bücken un Rümkrabbeln op’n Boden hebbt. Aver wat solls? Dat is ja Eerdbeertiet! Hoochstämmige Eerdberen gifft dat ja noch nich.

Nu denn, laat di dat man goot smecken.

---

Wat gifft Nees?

100 Vörslääg – een Winner: „Schlackermaschü“ is dat plattdüütsch Wöör vun’t Johr

All 30 Johr warrt dat plattdüütsche Wöör vun’t Johr söcht. Denn
warrt de Lüüd fraagt: „Wat för en Wöör oder Snack schall dat nu
warrn?“Dit Johr hett „Schlackermaschü“ wunnen– dat is nu dat plattdüütsche Wöör vun’t Johr 2025.
Un wat is dat nu„Schlackermaschü“?
– Dat is de lütte, söte, wabbelige Kraam op de Toort – Slagrahm
also. Besünners lecker is dat mit frische Eerdberen. Leest mal de
Geschicht vun de Eerdbertiet in düssen Rundbreef.

Na denn – laat ju dat smecken!


09. Juli De Plattsnacker dreept sik  wedder Klock söven, in dat Huus vun de

Elisabeth Kark, Eidelstedter Dorfstraße

 

 

To´n Enn noch n´lütten Sprook

Kannst di dreihn as du wullst, dien Mors blifft jümmers achtern“.  De Sprook hett den Sinn, dat man nich allens ännern kann, ok wenn du di noch so anstrengst.

Wenn ji anropen or n` Mail schicken wüllt:

Tel.: 040 571 93 466 (AB)

Mail: ebv-plattsnacker@t-online.de