Moin leev Fründ,
plattdüütsch is en fien Saak. Jümmers wedder hebbt wi all uns Spaaß un Freud dor an. De gemeensam Avends un Drapens sünd för uns Plattsnacker allemal en besünner Beleefnis. Un wo bunt un lebennig dat dorbi togeiht, dat hett uns “Fotografin” Heike, de mit hör Knipsmaschien jümmers dorbi weer, op veel Fotos or lütt Videoclips festhoolt. Dor sammelt sück denn över dat Johr een Barg Biller an. Belevnisse, de egentlich to schaadt sünd, in dat Billeralbum ut de Sicht to gahn. Un männicheen kriegt de Biller man ook gor nich to sehn. Dat weer doch schaad. Wi hebbt also de Fotos tohoop söcht un een lütten Torüchblick vun de wichtigst Begevenheiten tosomenstellen. Villicht kummt bi dat Ansehn jo Aptiet, bi uns Drapen dorbi to sien. Ik deit mi freien.
Un nu veel Vergnögen bi de lütt Video.
Ut de Plattdüütschfamilje
An 29. Januar sünd wi to de Versammeln vun den Regionalutschuss Stellingen inlaadt. Dor warrt wi uns Projekt “Erklärungschilder” för de plattdüütsche Stratennaams de Politikers vörstellen. – De Idee is ja, uns Spraak in de breete Apenlichkeit för all Lüüd apenbar maken un so dat Plattdüütsch wieder bestahn loten. Wi ward in de neegst Rundbreef berichten, wo dat wieder geiht.
Plattdüütsch in de School
De Schölers hebbt Freid un uns mookt dat ook Spaaß. Nu sünd dat all mehr as 10 Jungs un Deerns, de in een sog. AG bi uns Uwe tohoop mit Margrit Plattdüütsch lehrt. Dat schall nu toeerst mol bet to dat Fröhjohr wiedergahn.
Henwiesen un Winks:
Hamborger Plattdüütsch Dag an’n 20. April 2024
Nu geiht´s wedder los! Na 2016, 2018 un 2022 schall dat 2024 wedder ünner de Schirmherrschop vun Hamborgs Tweete Börgermeestersch Katharina Fegebank den veerten Hamborger Plattdüütsch Dag geven! An all Ecken un Kanten vun uns Stadt schall op Plattdüütsch leest, speelt, sungen, preestert un snackt warrn. Ook de Plattsnacker ut Eidelstedt sünd wedder dorbi. Wi hebbt all Anstalten dorför maakt un warrt ji rechttiedig Bescheed geven.
Tieden
De Plattsnacker dreept sik wedder an’n 14. Februar, Klock söven, in dat Gemeendehuus vun de Elisabeth Kark, Eidelstedter Dorfstraße
To´n Enn noch´n lütt Snack:
