![](https://eidelstedter-buergerverein.de/wp-content/uploads/2023/07/Rundbrief-Logo-1024x376.png)
![](https://eidelstedter-buergerverein.de/wp-content/uploads/2023/12/Neujahr-2024.jpg)
Moin leef Lüüd,
jo wi hebbt dat all höört. Dit Johr geiht to Enn un 2024 kummt. Dat oolt Johr un dat nee Johr sünd Tieden, op de wi as Plattsnakker tofreden trüggkieken un jüst so ook in de Tokunft kieken köönt.
Ook för dat nächst Johr hebbt wi wedder allerhand Plans. Dat wichtigst bi all düsse Aktivitäten un Spaaß is aver de Freid, dat gemeensam Beleefnis un de Höög op uns nächst Drapen. Un mi dücht, dat is uns in dat letzt Johr goot glückt un ook in dat tokamen Johr de wichtigst gemeensam Opgaav för uns lütt Krink.
Dorto wünsch ik uns all veel Spaaß, veel Freid bi dat gemeensam Platt snacken un vöran uns all gode Sundheit un en nee Johr loos un leddig vun Sorgen
![](https://eidelstedter-buergerverein.de/wp-content/uploads/2023/04/Klaus-Peter.jpg)
Ut de Plattdüütschfamilje:
![](https://eidelstedter-buergerverein.de/wp-content/uploads/2023/12/strassennamen-1.png)
Över uns Idee, lütt “Verkloorschiller” ünner plattdüütsch Straatennaamschiller antobringen, heff ik ja al bericht. Bilütten kommt de Saak nu in Gang. Middewiel hett ok de Politik uns Vörslag opgriepen.
In de nächst apentlich Sitten vun den Utschuss för allgemeen Angelegenheiten -annerswo Gemeenraat- in’ Oortsamt Stellingen, an’n 29. Januar, Klock halvig Söven, warrn wi vör all Lüüd över uns Projekt berichten.
De Idee de achter düsse lütten Extra – Wiestafeln steiht, is, de Neeschier un dat Intress bi de Lüüd to weken un dormit de plattdüütsch Spraak mehr openbar moken. Wenn ji Tied un Intress hebbt, kummt to de Versammeln. Dat köst nix. Hölp un Ünnerstütten sünd jümmers good. Ik deit mi freien, wenn uns Vörslag mol wohr warrt.
Un dor gifft dat noch en anner Annstoot: Ünner dat Motto “Sammel Platt in Land un Stadt!” röppt dat Lännerzentrum för Nedderdüütsch in dat Internet ünner
op, plattdüütsche Straatennaams, Oortsbenööms or ook Huusinschriften etc. to sammeln.
![](https://eidelstedter-buergerverein.de/wp-content/uploads/2023/12/plattdeutsch-sammeln-1024x725.jpg)
Dat kann man denn an dat Lännerzentrum sennen or dorto ook sülvst in en interaktiv Landkoort schrieven. Kiekt eenfach mal op de Websteed vun dat Lännerzentrum Dor gifft dat noch veel anner intressant Saken to finnen
Henwiesen un Winks:
Eegen Geschichten schrieven mookt Spaaß un an Enn büst ju ook en beten stolt op di sülven. Dorüm tru di un schrifft “Plattdüütsch”. Dat öövt un all de Lüüd luuert denn dorop, wat di infallt.
Een poor Geschichten heff ik all ut uns Krink kriegen un ward de -bloot wenn ji “Jo!” seggt- in uns Rundbreef vörstellen. Hüüt de Geschicht vun uns Plattsnackerin Margrit. Veel Spaaß bi dat Schrieven. Un de, de Hölp bruukt, seggt Bescheed. Bet nu hett dat jümmers klappt.
Geschichten ut uns Schrievwerksteed:
Ut miene Lehrtied, Margrit Wichmann
Tieden:
De Plattsnacker dreept sik wedder an’n 10. Januar, Klock söven, in dat Huus vun de Elisabeth Kark, Eidelstedter Dorfstraße
To´n Enn noch´n lütt Limmerick:
E´n Macker wahnt in Winterhude,
de see to en Deern: “küss mi, Trude!”
Aver se anter: “wer da?
Du Moors, ik heet Gerda!”
Dor verkroop he sik in siene Bude.
Claus Günther