Moin leev Fründ,
Dat warrt Fröhjohr un en bunte Blomenstruuß wüllt wi in de Edelstedter Bökerhalle to’n veerten Hamborger Plattdüütschdag övergeven. Un de, de Lust hett, kann mit uns wat gemeensam ankeken or tohoop in dat Theater gahn. Kloor draapt wi uns ook noch jümmers regelmatig to´n gemeensam Klönen, Geschichten vertellen un Lesen. Un wenn Uwe sien Gitarr dorbi hett, warrt ook sungen.
Dat is aver noch nich allens: „Platt is in“ un dat ümmer Dunnersdag bi de Schölers in dat Gymnasium Dörpsweg. Dann draapt sück Schöler vun de AG Plattdüütsch mit uns Plattsnacker Uwe. Lehren, öven, snacken und veel Spaaß steiht in´n Programm. Un ook hier is Uwe mit sien Gitarr togang.
Un denn gifft dat noch uns Projekt „Straßennamen“. Dat geiht wieder un warrt langsam griepbor. Man dorto vertell ik anner Maal mehr.
Aver nich bloot bi uns in Eidelstedt gifft dat veel to vertellen un to beleven. „Plattdüütsch leevt“. Radio, Feernsehn un dat Internet hebbt en groot Anbott. Kiekt eenfach mal bi den Podcast vun de NDR ünner
https://www.ndr.de/kultur/norddüütsche_spraak/index.com
Dat is en Fundgrube un du wunnerst di, wat dat alles gifft.
Plattdüütsch Dag
Hamborger Plattdüütsch Dag an’n 20. April 2024, Eidelstedter Bökerhall, Klock dree bit Klock fief
An all Ecken un Kanten vun uns Stadt schall op Plattdüütsch leest, speelt, sungen, preestert un snackt warrn. Ook wi sünd wedder dorbi. Wi hebbt all Anstalten dorför maakt. So schall dat ditmal nich bloot wedder sülvst schreven Vertellens ut uns Schrievwarksteed geven, sünnern ok en plattdüütsch Quiz mit Fraag ut Hamborg un sünnerlich ook ut Eidelstedt. Op de grote Feernsehwand in de Leessaal vun de Eidelstedter Bökerhall (Alte Elbgaustraße 12, im steeedt) köönt wi denn noch twee kort Videos ankieken. Un wenn ji egen Geschichten or Beleefnisse vörlesen or vertellen wüllt, seggt Bescheed. Keen Bang, wi all wöörn uns freien.
Speeldeel
Dat Plakat hett uns Plattsnacker Uwe schickt. He is bi düt Speelwark as Schauspeler mit dorbi. He würr sik bannig över veel Tokiekers ut Eidelstedt freien. De Opföhren find in dat.Thanks. Theater, Norderstedt, Langenharmer Weg 90, statt. Veel Vergnögen!
Ut uns Schrievwarksteed
Nix schenkt kreegen? vun Uwe M. Nissen
Wenn ji all eegen Vertellens schrievt hebbt, denn giff se man her. Wi deit uns freien.
Tiden
De Plattsnacker dreept sik wedder an’n 13 März, Klock söven, in dat Gemeendehuus vun de Elisabeth Kark, Eidelstedter Dorfstraße
To´n Enn noch´n lütt Snack
