Utgaav 24 – 29. April 2022
Wi hept weller Krieg!
Nu is dat so wiet. wi hept weller Krieg! Dat gift blos Verleerer, keenen Sieg. Dat gift blos Elend Dode un Bloot un för de Minschen ganz grote Not! De Heimot verloten, dat fallt jümmers schwer. Un wat kümmt dor achter, weet keeneen mehr. Dat geit blos um Macht, um grote Gelüsten, dorför möt de Staaten alle uprüsten. Der Staat, dat sind wi, un wi hept blos Schullen. Wi wart nich fragt, ob wi dat wullen. Wi toolt blos to, dat geit ganz fix. Wi hept dat jo, un dat kost jo nix. Dor helpt keen Jammern un keen Quarken, letzenns wart wi dat alle marken. Ik bün nu old, müss den Krieg noch beleben. De Bomben jaulten dool von de Flegers on Heben, Dat rumste un ballerte ringsherum, un veele, veele Hüser füllen eenfach um. Uns schöne Stadt Hamborg güng ganz kaputt. Veele Dode geev dat, un en ganz Barg Schutt. Ik heff jümmers dacht, dat wört nie mehr geben. Nu is dat so wiet, dor möt wı mıt leben.
Moin leeve Lüüd,
„Ik heff jümmers dacht, dat wört nie mehr geben.
Nu is dat so wiet, dor möt wı mıt leben.“
Dat sünd de letzt Regen, de uns Senior vun uns Plattdüütsch Kring in sien Riemel över de jüst lopenden Krieg in de Ukraine schreven hett. Nie wedder Krieg – Höpen un Wünsch, de uns all nah de gresigen Erleevnisse vun de Kriegstiet, de uns Öllern or Grootöllern noch beleeven mööt, bet nu begleit hebbt.
Wi all kunnen or wüllen uns nich vörstellen, dat dat düsse Tieden direktemang bi uns nochmals geven köönt. Dennoch köönt wi de Ogen nich eenfach to moken. Veelmehr mööt wi uns noch mehr bewusst wurrn, in welk „goden un tofreden“ Tostänn wi leevt.
Dat bedüd nich, dat wi all gemeen en Ansicht hebben mööt. Diskusschonen un ünnerscheedlich Ansichten heurt to de Veelfalt vun dat Leven. Un ok Strietkultur heurt darto. Aver Krieg is keen Utweg -Krieg is glupsch (brutal), duester un bedüüd faken dat Enn’ vun dat Leven. Dor fallt dat swoor, to de Freid vun dat Leven to wesseln. Liekers höört dat aver ok dorto. Leven is Veelfalt un faken ok Gemeenschap. Dat güllt besünners in Tieden vun de Noot un Sorgen. Dat Leven is nich bloot düster un gries, man, dat Leven is ok bunt un schöön. Un üm düsse Siet to beleven, helpt uns ok uns gemeensam Spraak: dat Plattdüütsch.
An 23. April weer in Hamboorg de 3. Hamburger Plattdüütscht Dag. En Motto vun de Dag weer
Mehr as 40 Utrichtungen hebbt de plattdüütsch Spraak in Hamborg lebennig wurrn loten. Ok wi weern dorbi. An’n Sünnavend, de 23. April weer dat so wiet, de Veelfalt vun de Eidelsteedter Plattdüütsch Szeen all Lüüd de dor an Intresse hebbt to wiesen.
Över 35 Besökers weern to uns Lesung in de Bökerhall an’ Eidelsteeder Markt komen. „Vertellens ut Eidelsteedt, över Eidelsteedt, schreven or lesen vun Eidelsteedtern“ weer dat Motto. Aver ok ut de Böker vun anseggt Autoren or Schrieverinnen, as bispeelswies. Reimer Bull, Ina Möller or Ines Barber wöör vörlest.
Een Video vun uns Lesung warrt neegst op uns Homepage vun den Eidelsteedter Börgervereen to sehn sien. Dat duert wull noch en beeten, aver ok anners is dat villicht heel intressant, eenmal in de anner Bidrääg op de Webside to sehn. Kiekt eenfach eenmal rin.
Ik frei mi
Klaus-Peter
Henwiesen un Winks:
De Noorden op Platt
Sonntag, 29. Mai 2022, 11:30 bis 12:00 Uhr
Die plattdeutsche Sprache lebt und bekommt im NDR mit dem Magazin “De Noorden op Platt” ein neues Podium.
Das neue Magazin zeigt, was in der Szene passiert und stellt interessante Menschen vor, denen das Plattdeutsche am Herzen liegt, von Jung bis Alt, egal, ob prominent oder nicht. Dazu kommen plattdeutsche Reportagen aus dem ganzen Norden.
Für die Rubrik “Momsen ünnerwegens” ist Detlef Wutschik mit seiner bekannten Handpuppe Werner Momsen unterwegs und präsentiert auf seine ganz eigene Weise Ereignisse und Geschichten aus dem plattdeutschen Leben.
Die Sendung “De Noorden op Platt”, immer am letzten Sonntag eines Monats im NDR Fernsehen, ist eine Gemeinschaftsproduktion aller Landesfunkhäuser des NDR, in Niedersachsen Schleswig-Holstein, Mecklenburg-Vorpommern und Hamburg. Nach Ausstrahlung ist sie in der ARD-Mediathek verfügbar.
Tieden:
De Plattsnacker dreept sik wedder an’n 11. Mai, Klock söven, in dat Gemeendehuus vun de Elisabeth Kark.