Moin leev Lüüd,
Plattdüütsche Vertellens ut Eidelsteedt un annerswo her – Leest or schrieven vun Lüüd ut Eidelsteedt
weer de Devies bi uns tweete Lesen; ditmal in de nee Rüüm vun de Bökerhallen in dat Kulturzentrum Eidelstedt. Buten weer de Hitt groot un so sünd trotz en vull Anmellelist doch en Poor Stöhl free bleven. Aver uns Plattsnakkerin Heike hett allens filmt. Un dorbi keem de Froog op, of wi düsse Biller un ok de anner Videos vun uns Drapen or Utflüüg uns nich mal gemeensam bi een besünneren „Filmavend“ ankieken wull´n.
Villicht findt wi en passen Termin in ’n Harvst. Dat weer denn ok de Chanc´ för de Lüüd, de nich dorbi wesen sünd, sik de Billers noch eenmal to bekieken. De Gedank is op jeden Fall nich verloren. As „Apptithappen“ hebbt ik ju een vun de lütt Videos mitschickt.
Ut de Plattdüütschfamilje:
Vertell doch mal Schrievwettbewerb 2023
Rund 1300 Geschichten weern dit Maal ingahn – bi wiet nich bloot ut dat Noorden, sünnern ut ganz Düütschland, de USA, Öösterriek, sogor ut Brasilien un Australien. Un so veelfältig as de Wahnöör vun de Deelnehmer weern ok de Ünnerscheed in de
Bedüden vun dat Motto „Tohuus“, also „Zuhause“.Ilka Brüggemann un Yared Dibaba hebbt de besten Geschichten ut dat de Geschichten bannig facettenriek weern, harr de dat Jahr Wettstrietsbotschopper Yared Dibaba al in‘ Januar bi den Oproop vörseggt: „Tohuus is ok de Nordsee, dat Watt, dat is Gröönkohl, dat is Teezeremonie. Tohuus is de plattdüütsch Sprook – tohuus kann allens ween.
Gemeensam mit NDR-Redakteurin Ilka Brüggemann hett he de fief Priesdregers bi de groten Lüüd op de Bühne as ok de Winnerin vun den Ünner-18-Nachwusspries begrööt. Den eersten Pries hett Wolfgang Krischke ut Hamborg wunnen, de ok al in’t verleden Johr op den eersten Platz kamen is. Martha Louise Lessing ut Trappenkamp, de regelmatig ok bi dat Möllner Autorendrepen mit dorbi is, keem op den tweten Platz.
Kiekt ok eenmal in Internet ünner
Dat is en Idee, „Erklärungschilder“ an de Straatennaamschilder.
An‘ Sünndag, den söventen Juli, harr de Börgervereen wedder sien traditschonelles Begröötnis för dat hüdige Johr wohrnahmen, bi de uns Börgermeester de Ehrengast weer. In en Gesprääk mit Herrn Dr. Tschentscher hebbt de Plattsnakker em op de Europääsch Charta to’n Schuul vun Minnerheiten- un Regionalspraken ansnackt.
En verkloort Teel vun de Charta is u.a., de plattdüütsche Spraak to föddern un somit ok bi de Lüüd wedder mehr publik to maken. En lütten Bidrag un mööglich Anfang weern t.B. bi de Stratennaams lütte „Erklärschilder“, as dat al vundaag al bi besünnere Straatennaams gifft, ok bi plattdüütsch Stratennaams antobringen. Dorbi kunn to’n Bispeel Eidelstedt as Pilotprojekt deenen. Düsse Idee hebbt wi uns Börgermeester vördregen. He hett den Gedanken opgrepen un Unnerstütten toseggt. Wi warrt „an Ball“ blieven.
Tieden:
De Plattsnacker dreept sik wedder an’n 09. August, Klock söven, in dat Huus vun de Elisabeth Kark, Eidelstedter Dorfstraße
To´n Enn wedder en lütt Limerik:
En Molermeester in Aukrug,
de jümmers blots swatt, witt un blau bruuk,
de kunn dat verkloren
(He seggt dat siet Johren):
„Weil Uwe das beim HSV trug!“
Claus Günther