Moin leev Lüüd,
de Plattsnacker hebbt dat gode Wedder utnutt un weern wedder op´n Padd. Leest mal de Bericht vun Lübeck. Wi weern aver nich blot ünnerwegens , sünnern mennigen hett ook arbeidt un t.B. een plattdüütsch Geschicht schreven. Lest mal de Bericht vun uns plattdüütsch Snackersche Margrit, dat besünnere Leihauto.
Veel Vergnögen un wenn ji Lust hebbt, wi dreept uns an jedeen tweten Middeweken in Maand, Klock söven. Kiekt mal bi de Tieden. Ik deit mi freien, ju to sehn.
Ut de Plattdüütschfamilje:
Op´n Padd na Lübeck
Ganz so priesweert, 0 Euro, weer dat woll nich. Aver dat 49 Euro Tiket un en lütten Toschuss ut uns “Sammeldoos” hett 12 Plattsnacker to en gemeensam Utfloog nah Lübeck lockt.
Afmaakt weer, ünnerwegens bloot platt to snacken. Wenngliek in‘ Tog vun de een oder anner “Bieföhrer” üm uns rüm en beten verwunnert wurrn. Aver uns hett dat Spaaß maakt, öövt un hett ook fast jümmers klappt.
Lübeck: Holstentor, Rathaus, 7 Karktoorns un Nideregger Marzipan, kennt de Meist. Wi harrn uns aver op´n Padd mookt, Lübeck as de oolt Hansestadt mit hör noch bewohrt Ooldstadt eenmal vun baven vun de Petri-Karktoorn ut to bekieken un de denn to Foot rundrümen dörch de Straaten to gahn. 2 1/2 Stünn över Koppsteenplaaster un dör de so nöömten Höfe. Dat hebbt ook all schafft. Wenngliek ünnerwegens af un to, woll still, de Roop keem: “Mien Been bruukt nu bald aver en Paus”. Un glieks keem se denn ook. In en oolt Spieker mit en lütt Cafe an den Museumshaven harrn wi vörsorglich en Disch reserveert. Warmer Koffie un natürlich de verplichten Marzipantoorten wurrn bestellt un de mööd Been gau vergeten.
Wi hebbt veel sehn. Wenngliek de Tied, as jümmers, veel to kort weer. Aver dat geev noog Anstöten för en mööglich tweeten Besöök. Denn Plattdüütsch is bunt.
As Hannelsspraak weer Plattdüütsch dat domalig “Business English” un so finnst du dat noch hüüd överall in Lübeck. Besünner Utstellungen in dat Hansemuseum un veel oolt Inschriften an de Koopmannshüüs wiesen darop hen.
Un üm nich ganz ahn Vörbereden de Stadt to bekieken, harrn wi uns all op een vun uns Plattdüütsch Avenden mit en lütten Film över de Hansetiet op uns Besöök instimmt. Un so mennigen Saak ut de Film hebbt wi denn an de Hüüs or in de Karken wedderfunnen
Tosamenfaten: Dat weer nett, ook wenn wi nich allens schafft hebbt.
Wi harrn awer veel Gelegenheit to snacken un uns betert kennentolehrn. Dat weer schöön.
Im Abteil wurr blot platt snackt.
Nu sünd wi dor.
De Koffie un Tort smeckt un de möden Been hebbt ehr Roh.
Henwiesen un Winks:
70.000stes Wort im Wörterbuch
“Platt för Plietsche ” eingepflegt
Düssen Artikel heff ik jüst in dat Ostholsteener Blatt, de Reporter, leest. Heinrich Evers is mi goot bekannt un ook ik bruuk sien Wöörbook rmännichmal, besünners wiel dat veel besünnere Snackwiesen as Översettenshelp vörslahn deit.
Man dat gifft ook noch anner Wöörböker in’t Internet. Un de “Reiz” liggt in de Veelfalt vun de verscheeden Översettenvörslääg. – Ik heff ju mal de veer vun mi bruukt Wöörböker mit de Internetadress tostüert.
– Platt för Plietsche
https://www.plattdeutsches-woerterbuch.de
– Plattmakers – Das Plattdeutsche Wörterbuch
Willkommen beim Plattmakers-Wörterbuch!
– SASS Plattdeutsches Netzwörterbuch
– NDR Plattdeutsches Wörterbuch
https://www.ndr.de/kultur/norddeutsche_sprache/plattdeutsch/woerterbuch101.html
Speel doch eenfach mal mit de Begreep. Mi maakt dat Spaaß un is dorto ook bannig intressant.
Hier nu de Naricht ut dat Blatt:
Ostholstein.
24.Juli 2024
Am vergangenen Montag hat Heinrich Evers, Plattdeutschbeauftragter des Kreises Ostholstein, das 70.000ste Wort in sein kostenloses Online-Wörterbuch “Platt för Plietsche” eingetragen.
Das Wörterbuch ist unter https://www.plattdeutsches-woerterbuch.de/ zu finden. Evers hatte in der Kreistagssitzung im Juni, um Unterstützung gebeten.Er bat die Mitglieder des Kreistages, nach Wörtern zu suchen, die noch nicht im Wörterbuch enthalten sind und ihm diese mitzuteilen. Kreispräsidentin Petra Kirner schrieb ihm, dass sie bei dem Wort ,,Konnexität” keinen Übersetzungsvorschlag gefunden habe. Dieses Wort wurde sofort ins Wörterbuch aufgenommen.Inzwischen enthält das Wörterbuch 70.129 plattdeutsche Wörter und hat über 8,5 Millionen Ubersetzungswünsche erfüllt. Evers bedankte sich bei Kirner und erklärte, dass das Wort ,,Konnexitätsprinzip” im Plattdeutschen sinngemäß ,,Wokeen de Musik bestellt, de mutt se ok betahlen” lautet.
Geschichten ut uns Schrievwarksteed:
Vertellen Margrit 4 Dat besünnere Leihauto(1)(1)Leserbreev
Wenn ji wat to vertellen hebbt, schrievt mi.
Plattsnack
De Plattsnacker dreept sik wedder an’n 09. Oktober, Klock söven, in dat Gemeendehuus vun de Elisabeth Kark, Eidelstedter Dorfstraße
To´n Enn noch´n lütt Snack:
