{"id":18975,"date":"2026-06-03T23:17:07","date_gmt":"2026-06-03T21:17:07","guid":{"rendered":"https:\/\/eidelstedter-buergerverein.de\/?p=18975"},"modified":"2026-06-03T23:17:08","modified_gmt":"2026-06-03T21:17:08","slug":"rundbreef-73","status":"publish","type":"post","link":"https:\/\/eidelstedter-buergerverein.de\/?p=18975","title":{"rendered":"Rundbreef 73"},"content":{"rendered":"\n
\"\"<\/figure>\n\n\n\n

<\/p>\n\n\n\n

\"\"<\/figure>\n\n\n\n

<\/h2>\n\n\n

\n\n\n

Moin leev L\u00fc\u00fcd,<\/h2>\n\n\n\n

<\/p>\n\n\n\n

Fix wat los \u2014 dat is dat Motto vun uns l\u00fctten Plattd\u00fc\u00fctsch Krink. Wi w\u00fcllt nich blots tohoop sitten un l\u00fctte Geschichten lesen; nee, wi w\u00fcllt ok mit de Sprook leven un richtig mit eenanner snacken. Un genau so weer dat bi\u2019n Bes\u00f6\u00f6k op Uwes \u201eH\u00f6hnerfarm\u201c: De H\u00f6hner hebbt zwar keen Platt snackt, aver all de annern L\u00fc\u00fcd hebbt fr\u00f6hlich mitenanner un \u00fcnnerenanner Plattd\u00fc\u00fctsch snackt. Un wat dat dor all to sehn\u00b4n un h\u00f6r\u00b4n gaav, dat findt ji bi dat Kapitel: \u201eUt uns Plattd\u00fc\u00fctschkrink\u201c<\/p>\n\n\n\n

Un dor gifft ok noch wat anners to vertellen: Nu gifft dat bi de Plattsnakker \u201eSchoolarbeiden\u201c. Fief tof\u00e4llig funnen W\u00f6\u00f6r warrt an\u2019n Avend vun uns Drepen opschreven, un bi dat n\u00e4chste Drepen hett denn jeden en wunnerbore Geschicht dor\u00f6ver schreven. Du warrst di wunnern, wat f\u00f6r \u00fcnnerscheedlich Geschichten dorbi rutkamen. De fief W\u00f6\u00f6r f\u00f6r den neegsten Avend findt ji bi dat Kapitel: \u201eUt uns Plattd\u00fc\u00fctschkrink\u201c.<\/p>\n\n\n\n

Dat is aver noch nich all\u00b4s. – In August, dor hebbt wi uns Bes\u00f6\u00f6k inladen: Fru Dr. Ingrid Schr\u00f6der<\/a> vun de Uni Hamborg. Fru Schr\u00f6der vertellt uns denn wat \u00f6ver de Geschicht un dat Bed\u00fcden vun uns plattd\u00fc\u00fctsche Sprook. Dat warrt seker een intressanter Avend.<\/p>\n\n\n\n

Also fix wat los bi de Plattsnacker! Un wenn ji Lust hebbt, mit uns platt to snacken: Hartlich willkamen. Wi freit uns.<\/p>\n\n\n\n

<\/p>\n\n\n\n

\"\"<\/figure>\n\n\n\n

<\/p>\n\n\n

Ut uns Plattd\u00fc\u00fctschkrink<\/h3>\n

Huusopgaven<\/h4>\n

Ik heff ja all vertellt, bi de Plattsnakkers gifft dat nu \u201eHuusopgaven\u201c- Fief tof\u00e4llig funnen W\u00f6\u00f6r warrt an\u2019n Avend vun uns Drepen opschreven, un bi dat n\u00e4chst Drepen kunn denn jedeen en egen Geschicht dor\u00f6ver schreven un de uns all v\u00f6rlesen. Gl\u00f6\u00f6vt mi man, dat mokt Spoo\u00df un is bannig kommodig. Un nu de W\u00f6\u00f6r f\u00f6r de n\u00e4chst Geschicht:<\/p>\n

De s\u00fcnd: Muusk\u00f6ddel, Appelkorn, Fohrrad, Goorn un Rumpott.<\/strong><\/em> Noch is Tied \u2014 schriev dien Geschicht un vertell de uns bi dat n\u00e4chst Drepen, or schriev mi een Mail mit dien Geschicht. Gl\u00f6\u00f6vt mi man: Dat maakt bannig Spoo\u00df un geiht heel kommodig. Also: Ran an de Fedder \u2013 un veel Vergn\u00f6gen bi’t Dichten! Wi s\u00fcnd al bannig neeschierig, wat dorbi rutkummt.<\/p>\n

Uwe sien H\u00f6hnerfarm<\/u><\/span><\/h4>\n

Uwe sien Hobby s\u00fcnd de H\u00f6hner. Dor\u00f6ver hett he uns al bannig veel vertellt. Un as fr\u00f6heren Schoolmeester hett he dor noch bes\u00fcnners sien Freud an, Stadtkinner un grote L\u00fc\u00fcd to wiesen, dat H\u00f6hner nich bloots Eier leggen, s\u00fcnnern ok flegen k\u00f6\u00f6nt. S\u00fcnd jo letztens Vagels!<\/span><\/p>\n

So s\u00fcnd wi neeschierig worrn un hebbt Uwe un siene fedderten Mitarbeiders op ehr \u201eFarm\u201c bes\u00f6cht. Dat weer nich bloots bannig lustig, man ok richtig intressant. Wi hebbt dor en ganzen Barg \u00f6ver dat H\u00f6hnerleven lehrt.<\/p>\n

Un Uwe hett uns dat Leven in\u2019n H\u00f6hnerstall so lebennig un d\u00fc\u00fctlich verkloort, dat f\u00f6r uns glieks fast stunn: Dor m\u00f6\u00f6t wi unbedingt noch mal wedder hen!<\/p>\n

Den Termin finnt ji in\u2019n Kalenner. Un de H\u00f6hner? De t\u00f6\u00f6vt al op jo! Hebbt se doch f\u00f6r uns Foto-Reporterin Heike al gediegen Modell speelt un sik dorbi bannig wat in Positur smeten.<\/p>\n

Kiekt ok geern mol in dat l\u00fctte Video rin \u2013 denn k\u00f6\u00f6nt ji de gefiederten Stars glieks s\u00fclvst beleven! 🐔🎬<\/p>\n

https:\/\/eidelstedter-buergerverein.de\/wp-content\/uploads\/2026\/06\/Mein-Film-Huuehner-Computer.mp4<\/a><\/video><\/div>\n\n\n
\"\"<\/a><\/figure>\n\n\n\n
\n\n\n

 <\/p>\n

\"\"<\/a><\/h2>\n

\"\"<\/a><\/h2>\n

De Buddeltiet beginnt<\/a><\/h2>\n
Klaus-Peter Schulze<\/h6>\n

Mien Fro un ik wahn ja in de Grootstadt, in Hamboorg. Un wenn du dor dat Woort“buddeln“ h\u00f6\u00f6rst, denkt all j\u00fcmmers glieks an Baggers, Boarbeiders mit geel Westen,\u00dcmfoohrten f\u00f6r de Autos un nerv\u00f6s Footg\u00e4ngers. Aver nich bi uns. Wi wahnt buten de Stadt in „Groonen“ in\u00b4n l\u00fctt Siedlung mit staatsche Siedlungsh\u00fc\u00fcs un p\u00fc\u00fck fein propper V\u00f6rgoorns. Dat is man ook dat Uth\u00e4ngschild vun de Huusbesitter un V\u00f6rwiesst\u00fcck f\u00f6r de scharp Blicken vun de Navers. In‘ Winter kannst di ja verpusten. Aver af M\u00e4rz warrt all de H\u00fc\u00fcsbesitters jibbelig. Heet dat doch al in dat Kinnerleed: Im M\u00e4rzen der Bauer die R\u00f6sslein anspannt. R\u00f6sslein gifft dat ja nu nich mehr, aver de Bumarkt \u00fcm de Eck. Un „anspannen“ kannst bloot noch dat Auto, \u00fcm Blomen,D\u00fcnger un villicht ok noch en l\u00fctt Wicht f\u00f6rdat Blomenbeet to k\u00f6pen. Gifft dat allens bi`n Bumarkt. Bruukst bloot noch inplanten un de\u00b4n Dwarg mang de Blomen stellen. De Saak mutt ja wat hermoken; dr\u00f6ffst di jo nich lumpen laten. Un nu, kann de Buddeltiet denn ook all loosgahn. Mehr anzeigen<\/a><\/span>\n

Aver ganz so eenfach is dat nu denn doch nich. Wenn du denkst, dat du dat alleen maakst – de Eerd vun dat Beet d\u00fcchtig \u00fcmgraven, L\u00f6cker f\u00f6r de Blomen buddeln un fardig b\u00fcst du – denn hest du di bannig sneden. Du b\u00fcst noch nich ganz in dien V\u00f6rgoorn, glieks hest du en poor Tokiekers \u00fcm di r\u00fcm un foorts geiht\u00b4s los:“Onkel, was machst du da?“ – „Lisa, la\u00df den Mann. Der pflanzt Blumen.“ – „Darf ich auch Blumen pflanzen?“ – „Nein, aber vielleicht darfst du den Zwerg zwischen die Blumen stellen – frag doch einmal den Onkel!“.Lisa woll partout helpen. Se woll de Blomengeern na ehr W\u00fcnsch un Ideen inplanten,dor wo se dat meent. Ik heff nu aver mien egen V\u00f6rstellungen und dat s\u00fcnd nich de vun Lisa. Man de quengelt, gniggert, quaakt un treckt nu een Snuut.<\/p>\n

Helpt aver allens nix, dat is mien V\u00f6rgoorn un an‘ Enn heff ik de Blomen dor hen plant, woneem ik dat woll. J\u00fcst so as ik mi dat v\u00f6rstellt heff.Blots de Wicht, de hebbt Lisa un ik denn mit Papas Help gemeensam opstellt. Un dor steiht de Dwarg h\u00fc\u00fct noch. Nu, bet nu heff ik keen hooch Tuun, man bloot en l\u00fctt Heck to de Straat hen. Keen Hinnernis f\u00f6r „Alexander“.\"\"<\/a> Nee, nich Naverss\u00f6hn! Alexander, dat weer en Hund, groot as en utwussen Schaap. Un de steiht nu hecheln un jappen twischen mien Blomen v\u00f6r mi. „Der ist ganz lieb! Der will nur spielen“ r\u00f6ppt Herrchen. Aver nich mit mi un ook nich mit mien B\u00fcx. Mien Gorden is keen Speelplatz. Ik will nich speeln. Ook nich mit de Katt ut de Goorn vun uns Naver. Man Alexander un de Katt wullen aver „Krieg mi mol“ spelen un ramentert nu beid as dull mang mien nie plant Blomen. De laat na dit Speel achteran nu de K\u00f6pp hangen. De annern Kl\u00e4ffer, de ook \u201ebloot spelen woll\u201c, heff ik glieks wegjaagt. Weer egentlich ganz n\u00fcdelig dat Deert. Ik aver b\u00fcn f\u00fc\u00fcnsch un orntlich vergrellt. „Das Herrchen ist aber unfreundlich. Man mag uns nicht! La\u00df uns man gehn!“ Goot so! Ik will bloot Blomen planten un nich mit anner L\u00fc\u00fcd Hunnen or Katten spelen. Dor bruuk ik keen Help, ook nich de goot Ratsl\u00e4\u00e4g vun de Navers un Spazeerg\u00e4ngers. Bruukst goor keen Fachtietschrift f\u00f6r Blomen or B\u00f6ker to k\u00f6pen. Kennst nu all Narichten ut de Naverschop un kannst mit de j\u00fcst lehrt Tipps to de Goornpleeg en Book as Goorndokter schrieven. Lehrst allens bi dat Buddeln in‘ V\u00f6rgoorn. Aver de Arbeit hest du nich schafft un na de Avent\u00fcer mit Alexander t\u00f6\u00f6vt nu ook noch en nee Goorntuun na de Straat hen. Denn Alexander un sien Kumpaans kaamt wiss woll wedder tr\u00fcgg. Dor kannst op af. <\/div><\/p>\n\n\n

 <\/p>\n\n\n\n

 <\/p>\n\n\n

\n
\"\"<\/a><\/figure>\n<\/div>\n\n\n

<\/p>\n\n\n\n