Rundbreef 43

Moin leev Lüüd,

an de Eck steiht een Jung mit en Tüdelband…. Dat Lied kennt ji. Aver hebbt ji dat ok schon eenmal gemeensam mit anneren Plattdüütschfrünnen op de Straat vör dat dunntomal Wohnhüüs vun de Gebrüder Wolf in Chor sungen? Seker nich. Wi aver! Un wodat? Bi de Plattdüütsch Bökerutstellen! –

De “Chor”
Hanna un de Hummel

6 Lüüd vun uns Krink sünd dorbi wesen un hebbt gemeensam de Utstellens besöcht. Dor geev dat veel “Leesstoff”, een lütt Rundgang -Hanna un de Hummel- dörch de Hamburg Altstadt mit uns spontan “Chor” un bi de Autorenlesen ok wat totohören. Mi weern besünners de veel Kinnerböker opfallen. Plattdüütsch leevt un nich bloot bi de Öllern, ok bi de jung Lüüd. Mehr köönt ji in’t Internett lesen ünner: Plattdeutsche Buchmesse in Hamburg – För Bökerwörm un Bookfreter | NDR.de – NDR 90,3 – Sendungen – Platt


40 Utsteller weern dorbi
De Plattsnakker ut Eidelsteedt

Kinner sünd neeschierig un wüllt ehr Spaaß hebben. Böker köönt dorbi bannig goot helpen. Un dat uns Heimatsprook ok Spooß bringen kann, beleevt wi bi uns Schoolprojekt in dat Gymnasium Dörpsweg. Middewiel is dat to een Arbeitsgrupp för Schölers vun de 5. un 6. Klassen wussen. Un Spooß un Freid gifft dat op beid Sieden, bi de Schölers un bi uns Plattsnackers.

Ik frei mi al op uns nächst Drepen. Kiekt mol ünner “Tieden”. Dor steiht noch wat mehr.

 

Ut de Plattdüütschfamilje:

Över uns Projekt „Straßennamenerklärschilder“ hebbt wi ja al schon oftmals bericht. Plant is en Pilotprojekt mit tonächst 5 bet 6 Straten rund üm de oolt Eidelstedter Dörpsmitt an’ Dörpsweg. Un do deit sik wat. – Umbi 14 Daag weern wi to en Gesprääk bi dat Bezirksamt Eimsbüttel. Ut mien Sicht, en bannig positiv Drapen – Afmookt wart, dat de Plattsnacker her Idee vör all Lüüd in en apenlich Sitten den Regionalutschuss Stellingen vörstellen warrn, üm denn över finanzjell un praktisch Mööglichkeiten to snacken. Wi blifft an’n Ball!

Henwiesen un Winks:

  • 4. Hamborger Plattdüütsch Dag an’n 20. April 2024

Dat geiht wedder los! Na 2016, 2018 un 2022 schall dat 2024 wedder een Hamborger Plattdüütsch Dag geven!  An all Ecken un Kanten vun uns Stadt schall op Plattdüütsch leest, speelt, sungen, preestert un snackt warrn – ok dor, wo keeneen dat överhaupt vermoden deit. Ok de Plattsnacker ut Eidelstedt sünd wedder dorbi. Över dat Programm mööt wi noch snacken.

Ut Hamborg un de wiede Welt – vun maandaags bet sünnavends: Die aktuellen Nachrichten auf Plattdeutsch. Klock 09.30 op NDR 90.3 Narichten op Platt – Der Podcast https://www.ndr.de/903/podcast3070.html

Kiekt mal in uns Schrievstuuv:

 

Tieden:

De Plattsnacker dreept sik wedder an’n 13. Dezember, Klock söven, in dat Huus vun de Elisabeth Kark, Eidelstedter Dorfstraße.

Ditmal hebbt wi en lütt Adventsavend mit Keks un Glöhwien plaant. Uwe bringt sien Gitarr mit. Un in de Eck steiht een Disch mit Böker. Dor köönt ji ünnerenanner joon leest Böker tuuschen. Also bringt rieklich Böker mit. Ümso grötter is de Utwahl.

To´n Enn noch´n lütten Snack:

Kommentare sind geschlossen.