Utgaav 34, 24. Februar 2023
„Moin“
düsse Begröten to´n goden Dag seggen, harr woll jeedeen in Noorddüütschland al eenmal to hören kregen. Middewiel is düsse Grööt aver ok al annerwegens to hören. Jo, Platt is in. So heet dat sachts. Ward denn glieks aver wedder verminnert. Denn dat Seggen na, snackt bloot öllere Lüüd Platt – Jüngere snackt keen Platt. För de Ümganggsspraak mag d at stimmen. Aver jümmers mehr jung Lüüd interesseert sik för „ehr Kultur Noorddüütschland“ un wullt de Spraak kennen lehren. Scholen, Universitäten un Bökerien sünd de klass’schen Hölpers. Ok hier bi uns in Eidelsteedt interesseert sik Schöler för uns lütten Krink, de Plattsnacker vun Börgervereen. Besünners lebennig geiht dat aver in dat Internet to. Dor gifft dat Terminen för plattdüütsch Rock, Popmusik op Platt, Radiosennen or lütt Videos op Platt.
Kinner sünd neeschierig. Dor fraagt sik de ganz Lütten ok mal, wat Oma un Opa männichmal egentlich för en Spraak snackt. Dat Intress is dor, un gemeensam en spannende Geschicht lesen, kann tosamen veel Freud maken. Kinner- un Jöögdböker gifft dat rieklich. Aver ok Comics un Eventüerböker. Un de bruukt Oma un Opa jo ok nich köpen. Rieklich Utwahl gifft dat in de Bökerhallen, bispeelswies hier bi uns in dat nee’e Steeed or bi de vun uns in Fröhjohr plaant „Bökertuuschbörse“. Dat is aver en annere un besünnere Saak. Nu heet dat vöreerst
Magst du Platt, wees nich lang, tru di wat un fang an!
Ut de Plattdüütschfamilje:
Wi hebbt nich bloot Plattsnacker in uns Kring, sünern ok een Schauspeler. Uns Plattsnacker Uwe Sönnichsen hett lang Tiet in de Rampe speelt. Düsse Speeldeel gifft dat nu nich mehr. Uwe hett aver en nee Heimat funnen un speelt nu in dat Tanks Theater in Norderstedt. Dor gift dat nu wat to´n lachen.
Wenn ji Intress hebbt, Termine un Adress stahn op dat Fleyer. Veel Spaaß
Henwiesen un Winks:
Passend to uns Thema: „Plattdüütsch un junge Lüüd“ hett de Töpferstiftung to en Vordragsreeg över de Tokunft un Entwickeln vun de plattdüütsch Spraak inlaadt. Dat sünd veer Avends. Hier en Uttoog ut de Inladen för den eersten Avend. De Deelnaam kost nix, elk Vördrag kann eenzeln besöcht warrn. De annern Termine staht ok so op de Websteed https://www.carltoepferstiftung.de/veranstaltungen/.
Plattdeutsch – Kunstsprache, Alltagssprache, tote Sprache? Hamburger Gespräche über „richtiges“ Platt. I/IV
Datum: 29. März 2023
Uhrzeit: 19:00 – 21:00
Ort: Lichtwarksaal, Neanderstraße22, 20459 Hamburg
In Hamburg spricht man Platt. Ist das so? Und wenn ja, wie lange noch? Und welches Platt? Vereine, Institutionen und Schulen haben laut Charta den Auftrag, Platt zu fördern. Künstler verwenden Platt auf der Bühne, in Büchern und in der Musik. Verleger werben um Käufer, Politiker müssen Rechenschaftsberichte schreiben, Wissenschaftler Analysen vorlegen. Reden dabei alle […
Tieden:
De Plattsnacker dreept sik wedder an´n 08. März, an Avend Klock söven, in dat Gemeendehuus vun de Elisabeth Kark, Eidelstedter Dorfstraße.
To´n Enn noch´n lütten Snack:
