Utgaav 33, 27. Jan. 2023
Moin leev Lüüd,
Fix wat loos bi de Plattsnakker ut Eidelstedt, so heet de Överschrifft vun uns Johresrüchblik 2022. https://eidelstedter-buergerverein.de/wp-content/uploads/2023/01/jahresrueckblick-2022-3.odt
För dat neeje Johr 2023 wünsch ik uns all vör alleen gode Gesundheit un ik hööp, ji hebbt all ok wiederhen veel Freit bi uns gemeensam Drapen.
In‘ Februar wüllt wi uns to en gemeensam Kinoavend drapen.
„Kino op Plattdüütsch“
Middeweken, 22.Februar, Klock söven im Seniorentreff, Elisabethkirche, Eidelstedter Dorfstraße
Twee Films wurrd wiest:
- Anläßlich vun sien 80. Geboortsdag vertellt Rudi Kienau egen Gedichte un Geschichten. (45 Min.)
- Neejes ut Büttenwarder op plattdüütsch (25 Min.)
Dat kost ok nix.
Henwiesen un Winks:
Du müchst geern de Platt-Post vun’n NDR in Dien digitalen Breefkasten kriegen? Wenn dat so is, denn kannst Du Di dorto mit Dien E-Mailadress anmellen. Mit de NDR Platt-Post kriggst Du mehrmals in’t Johr Post in Form vun en E-Mail. Dor steiht denn allens dat binnen, wat dat Nees an Platt geven deit bi’n NDR. Dat Formulat um di antomellen find ji ünner düssen Link vun NDR:
Carl-Toepfer-Stiftung
Leev Frünnen vun de Carl-Toepfer-Stiftung, leevt Kultur interesseert, wi sünd dorbi, dat Programm för den Lichtwarksaal tohooptostellen un wüllt in los Reeg in de folgen Weken de Termin för Musikveranstaltens, Diskuschonrunnen as ok Geschichten- un Lyrikavenden publizeeren.
Losgahn dei dat mit en plattdüütsch Billervördrag:
Wakanki – de Tronen vun de Inkaprinzess – Orchideensuche in Peru
De Chachapoya, de Wulkenminschen as se sick sülben nömt, levden all wiet vör de Inkatied in Nordperu. Vun Land un Lüüd un jemehr Burg Kuelap un ganz veel Natur vertellt de Bekannte Orchideen-Spzialist Wolf Baus in sien Billervördrag.
Datum: 09. Februar 2023
Klock söss bit Klock söven
Lichtwarksaal, Neanderstraße22, 20459 Hamburg
As weent, kunnst du di denn op de Homepage vun de Carl Toepfer Stiftung https://www.carltoepferstiftung.de/veranstaltungen/
or 040/46001907 anmellen.
Tieden
- De Plattsnacker dreept sik wedder an’n 08. Februar, Klock söven, in dat Gemeendehuus vun de Elisabeth Kark, Eidelstedter Dorfstraße
- 22. Februar, Klock söven, Kino op Plattdüütsch in dat Gemeendehuus vun de Elisabeth Kark, Eidelstedter Dorfstraße
Vertellens
Allens wedder so as jedeen Johr.
Kieken na Feernsehn is ja en dörch weg beleevt Hobby. Dat geiht mi ok so.
Un so bläder ik op de Söök na de High-Lights in dat Programm mang de bunten Biller vun uns „TV-Week“ hen un her. Dor!! – „Dinner for One“ Mi dröppt meist de Slag: „Wat? Is dat denn all wedder so wiet?“ Jümmers, wenn „Dinner for One“ ins Feernsehn kümmt, weet ik, wi hebbt wedder ´n Johr achter uns un dat ward nu bannig Tied för de goden Vörsätz.
Dat mutt sien – is eenfach so.
Aver so eenfach is dat nu ja ok wedder nich, dat mutt nipp un nau överleggt wesen. De Saak schall ja nich fehlgahn. Help doch nix, wenn du di wat vörnöhmst, wat di all jedeen Spaaß un Freid nimmt, t.B. bi dat Feernsehn keen Chips mehr eten. Geiht doch nich, dat is Levensqualität. Un de beden Buddels Beer beim Feernsehn kieken in Köhlschapp laten. Geiht ok nich, dat gehört to de Levensfreid.
Nee, Levensfreid un Levensqualität sünd wichtig. Un de schall jo bi de goden Vörsätz nich verlorengahn sünnern noch mehr worrn. Aver wat schallst du nu denn in dat neeje Jahr doon, üm dien Levensqualität un Levensfreid to verbetern?
Sport schall ja teemlich gesund wesen un ok Freid bringen. Also af in dat Fittnessstudio?
Glückliche Lüüd mit vergneugt Gesichter töövt op di. So sütt dat jedenfalls op de grote Plakaten vun Mc. Fit, Mr-sporty or de annern Verenen op de Anslagsülen ut. Dor föhlst du di richtig spittelig. En paar Muskeln mehr weern doch nich slecht. „Trimmen“ un „Muskelopbau“, dat föddert de Levensfreid. So seggt dat op jeden Fall de glücklich Gesichter vun de Plakaten.
Utstaffert mit en groot neege Sporttasch vun en anseggt Sporttüüchfirma un en dorto passen Sportantoog mit en groot Logo dor op, mookt´s di nu op ´n Padd in dat Sportstudio. Un dat is keen Turnhall, as du ehr vun fröher her kennst. Nee, dat is meist as en groot Fabrikhall. Chromblinken Apparaten, Bildscherms mit Trainer, de di de Sportövung mit ’n Video op de Feernsehwand wiesen, Gewichten, Hantels, Sauna un dor mang de Sportler, de för hör beter Levensqualität traineeren. -Sport schall ja glücklich moken un mien Luun un Wullgeföhl verbetern. Also ran an dat Warktüüch. De Buuk schall weg. Is ja nu bald Sommer un dor will ik mien „Fettreserven“ nich mehr in dat Swümmbad wiesen. Kleed di ok nich, or wöörst du di mit so`n dicken Beerbuuk sülven lieden mögen? „Waschbrettbuuk“ heet dat Töverwoort un jo nich een Gramm to veel op de Rippen. Mutt blot oppassen, dat du jümmers noch goot wat op de Rippen hest, sünst seihst du half verhungert ut. Een lütten Buuk gehört eenfach dorto. Wetenschopslüüd seggt, dat is een wiese „Naturinrichtung“. Ohn lütten Speckbuuk un Fettreserven künnt de Minschen de Winter nich överleben. Un de nächste Winter kümmt seker.
Nee, för mi is dat nu würklich nix. Ik eet wiederhen Chips bi dat Feernsehn un heff mien twee Buddels Beer in ’n Köhlschapp. Ik bruuk mien Levensfreid un Levendsqualität un de schall ja nich verlorengahn, denn sünst ward dat nichts mit de goden Vörsätz.
Also, allens wedder so as jedeen Johr? Denn man to! An mi schalls nich liggen.
To´n Enn noch´n lütten Snack:
