Moin Leev Lüüd,
letzt Week hebb ik een ganz besünnere Saak beleevt, över de ik hüüt vertellen will.
– Ik weer to’n Inkoop to en groten Inkopszentrum. All op den Parkplatz war mi opfullen, dat dor recht wat los weer. Dor hett Karnevalstimmung herrscht. Dat weer Halloween un ik middenmang! Hier nu mien „Beleevnisbericht“:
Grusel shopping,
nee, dat meen ik nich, wengliek du bi de Priesen in ’n Laden al mal dat Gruseln kriegen kannst. Ik meen dat grote Plakat bi uns Koopmann. Dor steiht:
free designfile
All op den Parkplatz luern gräsige Kürbismonster mit „scheefen“ Smily Smustern op di. Un dat warrt jümmers gruselicher. Spökels, Skelette, rasseln Kedden or hule´n Wülv bring di bet to’n Ingang un wenn du nich oppassen deist, hest du di batz denn ok noch den Kopp an een vun de Deck rünner bummelnden Fladdermüüs stoten.
Aver nu man rin! Tohoop mit uns drängt sück lütt gröne fürige Draakens – gräsige Dracula Masken – Spökels in witte Nachthemmen or gruselich sminkt Halloween Besökers in dat Gewöhl. Ik will mi aver nich bloot gruseln or Fladdermüüs jogen, man ik will ok wirklich wat köpen. Letzt Enns is bald Wekenenn un dor mut du wat to eten hebben.
Also toeerst in de Köhlafdelen: Twüschen den Deepkoehlkisten luern all horige Spinnen ut Plastik un spektakulär Gruselkööp op di. Aver ok spezielle Sünneranbotten to Halloween – „Kürbissuppe mit Speck“ or „tiefgekühlte Spinnnetzkuchen“. Un wenn du noch överleggst, ob di düsse gruselig Spezialität ok würklich smecken deit, kummt dor en lebennig Skelett, de Afdelensbaas, in´n Loopschritt anneiht. – He mutt Striet bi dat Extradisch mit de gräsig Schauerartikels un Kostüms slichten. Dor steiht vondaag en Gardrovenstänner. Hüüt hängt dor nu de Halloween Kostüms un en groot Schuvfensterpoop as Fladdermuus mit Flögels an. Dorvör steiht en lütt Draaken-Monster un blarrt. Dat will nu nich mehr as Draaken sünnern lever as Fladdermuus rumlopen; will aver partu nich insehn, worüm ´t nich dat Fladdermuus-Kostüm mit de Flogels antrecken kunn. De Modder un dat levend Skelett versöökt dat lütt Göör to begööschen. De Draak aver blarrt, spuckt Füer un fucht. De Afdelensbaas söcht twüschen de Kostümen vertwiefelt nah en anner Fladdermuus-Ümhang. Toerst ümsünst – aver denn find sück doch noch een Behölp. Nu hollt uns lütt Draak en grote Plastikrott mit langen Steert un strubbeligen Fell in de Hand. De quiekt un de root blinken Ogen mookt di richtig Bang. De Rott flüggt twoor nich as en Fladdermuus! Aver dat hett uns lütt Draak schon al vergeten un störmt wieder.
Un ik bin nu all op´n Padd no de Bruus- un Kribbelwaterafdelen. Vundaag is dat nu een Hexenwoold. In de Mitt vun de Woold steit de Hex. Se het ehr´n Bessen in de Eck afstellt. Vör eern Disch wuseln un drängeln ok hier de lütt Draaken, Spökels un de anner spökerhaftige Gestalten. De Hex verdeelt lütt Buddels mit Hexentrank or Drachenblut. För de Öllern geevt dat Geister Bowle. De warrt vun en „kopplosen“ Verköper in een bleudig Ritterkostüm utschenkt. Sien Kopp hett he ünner den een Arm un mit de annere bleudige Rittershand verseukt he, de Geister Bowle in de Glääs intogeten. Gööt du aver mol mit dien Kopp ünnern Arm lüttje Glääs vull. Dat geiht nich. Ok ein Ritter kann dat nich, un nu liggt de Kopp op´n Disch bi de Bowle. Dröffst bloot nich gegenstöten, sünnst rullt de Kopp ünner dat Regal un de kopplose Ritter mutt ihn dann dor wedder rutpulen. Un dat allens ohn Kopp. Künnst jo gor nich richtig kieken.
Överall spöökt un gruselt dat. Du büst ganz baff un wunnerst di, wat de Lüüd in dat Geschäft so allens op de Been stellt hebbt. Ún wenn du wedder butten op´n Parkplatz steihst, marks du erst, dat du vor all dat Wunnern un Kieken de halven Inkööp vergeten hest. Aver denn kummst du jüst morgen wedder. Nu nich to dat Grusel Fest, denn av morgen steiht op dat Plakat: „Pries Express, wi stoppt de´n Tog.“ Dor wunnerst di un kummst ut dat Verstahn gor nich mehr rut .
Tieden:
De Plattsnacker dreept sik wedder an’n 09. November, Klock söven, in dat huus vun de Elisabeth Kark, Eidelstedter Dorfstraße
Leserbreef:
Noch is dat Fack leddig!
To´n Enn noch´n lütten Snack:
