“Dat is keen Tofall, nee, dat hebbt wi allen´s plant“
verkloort uns de Kaptein in de Kajüüt vun de Willkomm-Höft op uns Padd to Schulau an de Elv. “Sodat ji ok ordentlich veel Scheep sehn köönt, hebbt wi extra be Glückstadt een Tampen över de Elv spannt, dormit de Scheep teuven mööt, üm se denn alltohoop in Schulau to begröten”. Seemannsgarn?, aver dat hett klappt. Bi dree Scheep kunnen wi de Begröötnisse or dat Verafscheeden an dat Willkomm-Höft mitbeleven un dat allens op Plattdüütsch – egens för uns. En dull Beleevnis.
Un nich bloot technisch Daten, sünnern ok welk maal Döntjes wurrn vertellt. Weer doch uns Baas Gerd vörher över teihn Johr „Begrüßungskaptein“ in Schulau weest. Un dor is doch dormaals worraftig? eenmal en ünnerdückert U-Boot vun de Swiezer Marien de Elv dalfohren. Natürlich is dat mit all Ehren begrööt un achteran ok wedder Tschüüs seggt wurrn. Fakt or doch Seemannsgarn? Egal – dat weer en goden Utfloog. –
Komen sünd wi mit de S-Bahn. Torüch hebbt wi aver noch en Rundtour mit den Bus dör de Wedler Marsch no Pinneberg mookt un vun dor mit de S-Bahn trügg no Eidelstedt . Dat 9 Euro Tiket mookt´s mööglich.
Kiekt jo doch mal dat Video an. Villicht hett de een or anner ok Lust bi den nächsten Utfloog dorbi to wesen.
Ik ward mi freien
